________________
त्रिसप्ततिपदानां फल| निरूपणम् ।
कम्मगंठिं निजरेह ॥ ३१॥ विणिवट्टणयाए णं भंते ! जीवे किं जणेइ ? विणिवणयाए णं पावकम्माणं अकरणयाए अब्भुट्टेइ, पुवबद्धाण य निजरणयाए पावं नियत्तेइ, तओ पच्छा चाउरंतं संसारकंतारं वीईवयइ ॥ ३२॥ संभोगपच्चक्खाणेणं भंते! जीवे किंजणेह? संभोगपञ्चक्खाणेणं आलंबणाई खवेइ, निरालंबणस्स य आययट्ठिया जोगा भवंति, सएणं लाभेणं संतूसइ, परस्स लाभं नो आसाएइ नो तक्केइ नो पीहेइ नो पत्थेइ नो अभिलसइ, परस्स लाभं अणासाएमाणे अतक्केमाणे अपीहेमाणे अपत्थेमाणे अणभिलसेमाणे दुच्चं सुहसिज्जं उवसंपजित्ता णं विहरइ॥३३॥ उवहिपच्चक्खाणेणं भंते! जीवे किंजणेह? उवहिपञ्चक्खाणेणं अपलिमंथं जणेइ, निरुवहिए णं जीवे निकखे उवहिमंतरेण य न संकिलिस्सइ ॥ ३४ ॥ आहारपच्चक्खाणेणं भंते! जीवे किं जणेइ ? आहारपञ्चक्खाणेणं जीवियासंसप्पओगं वुच्छिदइ, जीवियासंसप्पओगं वुच्छिदित्ता जीवे आहारमंतरेण न संकिलिस्सइ ॥ ३५॥ कसायपचक्खाणेणं भंते! जीवे किं जणेइ? कसायपच्चक्खाणेणं वीयरायभावं जणेइ, वीयरायभावं पडिवन्नेवि य णं जीवे समसुहदुक्खे भवइ ॥ ३६॥ जोगपच्चक्खाणेणं भंते! जीवे किंजणेइ ? जोगपच्चक्खाणेणं अजोगयं जणेइ, अजोगी णं जीवे नवं कम्मं न बंधइ, पुत्वबद्धं निजरेइ ॥ ३७॥ सरीरपच्चक्खाणेणं भंते! जीवे किं जणेइ ? सरीरपञ्चक्खाणेणं सिद्धाइसयगुणत्तणं निवत्तेइ, सिद्धाइसयगुणसंपन्ने य णं जीवे लोगग्गभावमुवगए परमसुही भवइ ॥३८॥ सहायपच्चक्खाणेणं भंते! जीवे किंजणेइ? सहाय
BXOXOXOXOXOXOXOXOXOXOXOX
