________________
यतिदिनकृत्यम् ।
XOXOXOXOXOXOXOXOXOXOXOXO)
मुहपत्तिं पडिलेहित्ता, पडिलेहिज गोच्छयं । गोच्छगलइयंगुलिओ, वत्थाइं पडिलेहए ॥२३॥ उई थिरं अतुरियं, पुवं ता वत्थमेव पडिलेहे । तो बिइयं पप्फोडे, तइयं च पुणो पमजिजा॥२४॥ अणचावियं अवलियं, अणाणुबंधिं अमोसलिं चेव । छप्पुरिमा नव खोडा, पाणीपाणिविसोहणं २५ आरभडा सम्मद्दा, वजेयवा य मोसली तइया। पप्फोडणा चउत्थी, विक्खित्ता वेइया छट्ठा॥२६॥ पसिढिल-पलंब-लोला, एगामोसा अणेगरूवधुणा। कुणइ पमाणि पमायं, संकिए गणणोवगंकुजा॥ अणूणाइरित्तपडिलेहा, अविवच्चासा तहेव य । पढमं पयं पसत्थं, सेसाणि उ अप्पसत्थाणि ॥२८॥ पडिलेहणं कुणतो, मिहो कहं कुणइ जणवयकहं वा । देइ व पच्चक्खाणं, वाएइ सयं पडिच्छइ वा २९ पुढवी आउक्काए, तेऊ-वाऊ-वणस्सइ-तसाणं । पडिलेहणापमत्तो, छहं पि विराहओ होइ॥३०॥ तइयाए पोरिसीए, भत्तं पाणं गवेसए । छहं अण्णयरागम्मि, कारणम्मि समुट्ठिए ॥३१॥ वेयणवेयावचे, इरियट्ठाए य संजमहाए । तह पाणवत्तियाए, छ8 पुण धम्मचिंताए ॥३२॥ निग्गंथो धिइमंतो, निग्गंथी विन करिज छहिं चेव । ठाणेहिं तु इमेहिं, अणइक्कमणाय से होइ॥३३॥ आयंके उवसग्गे, तितिक्खया बंभचेरगुत्तीसुं । पाणिदयातवहेउं, सरीरवुच्छेयणट्ठाए॥३४॥ अवसेसं भंडगं गिज्झा, चक्खुसा पडिलेहए । परमद्धजोअणाओ, विहारं विहरए मुणी ॥३५॥ चउत्थीए पोरिसीए, निक्खिवित्ताण भायणं । सज्झायं च तओ कुज्जा, सबभावविभावणं ॥३६॥ पोरिसीए चउभाए, वंदित्ताण तओ गुरुं । पडिक्कमित्ता कालस्स, सिजं तु पडिलेहए ॥३७॥ पासवणुचारभूमिं च, पडिलेहिज्ज जयं जई।
XXXXXXXXXXXXX
