Uttaradhyayanani

SR No.: 600356
Original Sutra Author: N/A
Author: Nemichandracharya
Publisher: Pushpachandra Kshemchandra Balapurwala
Publication Year: 1937
Total Pages: 798
Language: Prakrit
Classification: Manuscript & agam_uttaradhyayan
File Size: 21 MB

Page 599

त्रयोविंशं
केशि
श्रीउत्तराध्ययनसूत्रे श्रीनेमिचन्द्रीया सुखबोधाख्या लघुवृत्तिः ।
गौतमीयाख्यमध्ययनम्। पार्श्वनाथचरित्रम् ।
॥२९३॥
SXOXOXOXOXOXOXOXOXXXXg
उक्खित्ता माणुसेहिं सा हट्ठरोमकूवेहिं । पच्छा वहंति सीयं, असुरिंद-सुरिंद-नागिंदा ॥ १॥ अट्ठऽढ मंगलगा छत्तचामर-महज्झयाईणि य पुरओ पत्थियाणि । तओ 'जय जय नंदा! जय जय भद्दा! भदं ते, सबकालं च धम्मे तुह अविग्धं हवउ' त्ति मुहमंगलियमाईहिं अभिनंदिजमाणो, बहुजणसहस्सेहिं पेच्छेन्जमाणो थुव्वयमाणो, अंगुलीहिं दाइजमाणो, पुष्फंजलीहिं पूइजमाणो, पए पए अग्घे पडिच्छमाणो, बहुनरनारीणमंजलीओ दाहिणहत्थेण पडिच्छमाणो, महया इडिस| मुदएण, किश्च-वरपडह-भेरि-झल्लरि-दुंदुहि-संखसहिएहिं तूरेहिं । धरणियले गयणयले, तुरियनिनाओ परमरम्मो ॥१॥ नयरीओ निक्खमित्ता गओ आसमपयमुजाणं । तत्थ य असोगपायवस्स अहे सीयाओ पच्चोरुहइ । पोसबहुलएक्कारसीए पुवण्हे सयमेवालंकारं ओमुयइ, पसरंतबाहसलिला वम्मादेवी हंसलक्खणपडेणं पडिच्छइ । पंचमुट्ठियं लोयं करेइ, सको केसे पडिच्छइ, खीरसमुद्दे साहरइ । तं समयं च सक्कवयणेण देवाण मणुयाण य निग्घोसो तुरियनिनाओ गीयरवो उवरओ। ताहे तीसं वासाई अगारमावसित्ता अट्ठमभत्तेणं अपाणएणं देवदूसमादाय तिहिं पुरिससएहिं | निक्खंतो । भणियं च-"काऊण नमोकारं, सिद्धाणमभिग्गहं तु सो गिण्हे । सवं मे अकरणिजं, पावं ति चरित्तमारूढो
॥ १॥" तक्खणं च उप्पन्नं मणपज्जवनाणं । तओ पंचसमिओ तिगुत्तो खंतिखमो निम्ममो निद्दोसो नीसंगो लाभालाभे |सुहे दुक्खे निंदापसंसासु य समो तवसंजमेण अप्पाणं भावेमाणो विहरइ । सुरासुरा वि भयवओ पासस्स निक्खमण| महिमं करेत्ता नंदीसरे अट्ठाहियं करेंति, सहाणं च पडिगया। भयवं पि नयरासन्नसंठियं पत्तो तावसासमं, तत्थ य | 'अत्थमिओ दिणयरो' त्ति कलिऊण तप्पएससंठियकृयासन्नठियवडपायवस्स अहे हिओ काउस्सग्गेणं । इओ य सो
कमढजीवो मेहमाली असुरो अवहिणा नाऊण अत्तणो वइयरं सुमरिऊण पुवभववेरकारणं समुप्पन्नतिबामरिसो समाX गओ जत्थ भयवं, पारद्धा य तेण सीहाइरूवेण उवसग्गा । अवि य-"सीहेहिं घोररूवेहिं तिक्खनहरेहिं दीहदाढेहिं ।
॥२९३॥