________________
श्रीउत्तराध्ययनसूत्रे श्रीनेमिच
न्द्रीया सुखबोधाख्या लघुवृत्तिः ।
त्रयोविंशं केशिगौतमीयाख्यमध्ययनम्। पार्श्वनाथचरित्रम् ।
॥२८७॥
दट्टण विण्णायजगन्नाहतित्थयरागमणो निग्गओ तवंदणत्थं । वंदिओ तित्थयरो । उवविट्ठस्स तस्स कया भगवया भवनिवेयजणणी देसणा । तओ वंदित्ता पविट्ठो नयरीए चक्कवट्टी । भगवं पि विहरिओ जहाविहारेणं । अण्णया कणयप्पहो चक्कवट्टी भावितो तं तित्थयरदेसणं जायजाईसरणो दट्टण अञ्चुयाईए पुश्वभवे विरत्तसंसारचित्तो पवइओ जगण्णाहतित्थयरपायमूले । संपत्तो य कयाइ विहरमाणो खीरवणनामाए महाडवीए, ठिओ य तीए खीरमहागिरिम्मि सूराभिमुहो काउस्सग्गेणं । इओ य सो चंडालवणयरनेरइओ ततो उवट्टित्ता जाओ तीए चेव खीरवणाडवीए खरपवयगुहाए सीहो, सो वि भमंतो कह वि संपत्तो तं मुणिपएसं । तओ समुच्छलियपुत्ववेरेणं विणासिओ तेण सो मुणी समाहिणा कालं काऊणं निबद्धतित्थयरनामो पाणयकप्पे महप्पभे विमाणे उववण्णो वीससागरोवमाऊ देवो । सो वि सीहो मरिऊण पंकपभाए दससागरोवमाउं उवभुंजिऊण तओ उच्चट्टित्ता बहुसंसारमाहिंडिऊण कम्मवसओ जाओ बंभणकुलम्मि बंभणो। तत्थ य पावोदयवसेणं जायमेत्तस्स चेव तस्स खयं गओ पिइ-माइ-भाइप्पमुहो सयलो वि सयणवग्गो । जीवाविओ य सो दयाए जणवएणं बंभणबालगो, संपत्तो य जोवणं । जणेण बहुहा खिसिजमाणो कह कह वि संपज्जमाणभोयणमेत्तवित्ती वेरग्गमुवगओ कंदमूलफलकयाहारो वणम्मि सो तावसो जाओ। कुणइ य तत्थ पंचम्गिपमुहं बहुप्पयारमन्नाणतवोविसेसं । इतो य सो कणयप्पभवक्किदेवो पाणयकप्पाओ चेत्तकिण्डचउत्थीए चविऊण इहेव जंबुद्दीवे दीवे भारहे वासे कासीजणवए वाणारसीए नयरीए आससेणस्स रन्नो वम्माए देवीए पुवरत्तावरत्तकालसमयंसि विसाहाहिं नक्खत्तेणं तेवीसतिमतित्थयरत्ताए कुच्छिसि उववन्नो । सो य भगवं तिन्नाणोववेओ 'चइस्सामि' त्ति जाणइ चयमाणो न जाणइ, 'चुतो मि' त्ति जाणइ । पासइ य तीए रयणीए गयवसहसीहाभिसेयदामससिसूरज्झयकुंभपउमसरसागरविमाणरयणुच्चयसिहिदसणरूवे वम्मादेवी चउद्दस महासुमिणे । परितुट्ठमणाए गंतूणमतुरियाए गईए निवेइया ते
XOXOXOXXX******
॥२८७॥
