________________
पउप्पर धम्मघोसे नामं अणगारे पंचहिं अणगारसएहिं परिवुडे गामाणुगामं दूइजमाणे हत्थिणा उरमा गए, जाव परिसा निग्गया, महाबले वि कंचुइयसयासातो विन्नायवइयरे तस्स भयवतो वंदणत्थं निग्गए, जाव धम्मघोसरस अणगारस्स अंतिए धम्मं सुणेइ । तए णं से महबले कुमारे धम्मघोसस्स अंतिए धम्मं सोचा हट्टतुट्ठे तिक्खुत्तो नमसित्ता एवं वयासी - सद्दहामि णं भंते! निग्गंथं पावयणं, जाव अब्भुट्ठेमि णं भंते! निग्गंथं पावयणं, एवमेयं भंते ! से जहेयं तुब्भे वयह जं णवरं देवाणुप्पिया ! अम्मापियरो आपुच्छामि तए णं तुम्हं अंतिए पनयामि । अहासुहं देवाणुप्पिया ! मा पडिबंधं करेहि । तए णं से महबले धम्मघोसं अणगारं वंदित्ता हट्टतुट्ठे रहं आरुहित्ता हत्थिणारं नयरं मज्झंमज्झेणं जेणेव सए घरे तेणेव उवागच्छइ, रहातो पञ्चोरुहइ, पञ्चोरुहित्ता जेणेव अम्मापियरो तेणेव उवागच्छइ, उवाग - | च्छित्ता एवं वयासी - अंबताय ! मए धम्मघोसस्स अणगारस्स अंतिए धम्मे निसंते, से वि य मे अभिरुइए । तए णं तं महबलं कुमारं अम्मापियरो एवं वयासी — धन्ने सिणं तुमं जाया !, कयत्थे सि णं तुमं जाया ! । तए णं से महबले कुमारे | एवं बयासी - इच्छामि णं अम्मयातो ! तुम्हेहिं अब्भणुन्नाए समाणे संसारभबिग्गे मीए जम्मणमरणाणं धम्मघोसस्स अंतिए अहं पवइत्तए । तए णं सा पहावई अणिडं अनंतं असुयपुत्रं गिरं सोच्चा रोमकूवपगलंत सेय किलिण्णगत्ता सोगभरवेवियंगी नित्तेया दीणवयणा करयलमलिय व कमलमाला खुण्णियवलया पहट्ठउत्तरिज्जा विकिन्नकेसहत्था परसुनिकित्त व चंपगलया कुट्टिमतलंसि धस त्ति सबंगेहिं निवडिया । ततेणं सा ससंभमखित्ताए कंचणभिंगारवारिधाराए उक्खेवगवाएण य समासासिया समाणी रोयमाणी कंदमाणी महबलं एवं वयासी तुमं सि णे जाया ! अम्हं एगे पुत्ते इट्ठे कंते रयणभूए निहिभूए जीवियभूए उंबरपुप्फं व दुल्लभे, तन्नो खलु जाया ! अम्हे इच्छामो तुज्झ खणमवि विप्पतोगं, अच्छाहि ताव जाया ! जाव अम्हे जीवामो, पच्छा अम्हेहिं कालगएहिं परिणयवए वडियकुलसंताणे पवइहिसि । तए णं से महबले
XOXOXOX
महाबल
राजस्य वक्तश्यता ।
