________________
दशार्णभद्र
राजस्य वक्तव्यता।
कहमण्हातो जेमेसि ? । तेण भणियं-तुमं व्हाय ? त्ति । इयरीए भणियं-मा एवं करेहि, न एस धम्मो सयाणं । बला य भुत्तो एसो । इतो य 'भुक्खितो' त्ति भक्खणनिमित्तं फँमिया तिला नडेण, 'सप्पो' त्ति पलाणो ससरक्खो, 'अवसरो' त्ति पिट्ठतो नडो । दिट्ठा निग्गच्छमाणा मयहरपुत्तेण, 'किमेयं ?' ति पुच्छिया घरिणी । सनिवेयं जंपियमिमीए-भणिओ मए, तुम मा एवं करेहि, न एस धम्मो सयाणं ति, वसंतं तुह घरे एवं उमा-महेसरं अज्ज अण्हाणभोयणधम्मभंगेण
निग्गयं । 'हा! दुट्ठ कयं विसन्नो मयहरउत्तो । भणियं चाणेण-कोऽवेत्थुवाओ? । तीए भणियं-नाएण दवमजिणिय XIसविड्रीए पूयं करेहि, ततो पविसइ एयं ति । गतो मयहरउत्तो दसन्नविसए । लग्गो वाडकम्मे । निष्फत्तीए विढत्ता दस
गद्दियाणगा । 'अप्प' त्ति न तुट्ठो चित्तेण, तह वि पयट्टो नियदेसं, अडवीए पिप्पलमूले वीसमइ । इत्थंतरे अवहरितो आसेण समागतो तमुद्देसं दसन्नभद्दो राया, दिट्ठो मयहरपुत्तेण, दंसियमुद्गं, उप्पल्लाणितो आसो, विस्सामितो राया, थेववेलाए समागओ परियणो । ततो 'उवगारि' त्ति पुच्छितो मयहरउत्तो रन्ना-को तुम ? किं वा ते कीरउ ? । जहट्ठियमेव साहियं मयहरउत्तेण, भणितो य राया-ता सबिड्डीए पूआसंपायणत्थं करेउ किंचि देवो त्ति । राइणा चिंतियं'उज्जगो वरागो घत्तितो महिलाए, ता इममेत्थ पत्तयालं नेमि पट्टगं, ततो जहाजुत्तमणुचिहिस्सामि त्ति नीतो सनयरं,
संपाडियं भोइणाइयं, चिंतियं च राइणा-अहो! से ववसाओ, असंतगं पि विढविय सविड़ीए पूर्व संपाडेइ । धम्मXपुरिसो खु एसो ता किं इमस्स कीरउ ? । इत्थंतरे निवेइयं राइणो पउत्तिकहगेहिं-जहा देव ! भगवं महावीरो
समागओ। परितुट्ठो राया, वंदितो तत्थेव भावेण, दिन्नं पारितोसियं, चिंतियं चाणेण-जइ नाम एस मयहरपुत्तो विसिट्ठविवेयरहिओ वि नियदेवयाण सविड्डिपूयासंपायणत्थमेवं परिकिलिस्सइ, ता अम्हारिसेहिं सारासारविभागवियाणएहिं समग्गसामग्गिएहिं तिहुयणचिंतामणिस्स समणस्स भगवतो महावीरस्स विसेसेण सविटिपूया काउं जुज्जइ त्ति,
