________________
महापद्यचक्रिणो वक्तव्यता।
जा जिणरहो । इमं च निसामिऊण जालाए गहिया पइन्ना नरवरसमक्खं-जहा जइ पढमं जिणरहो न भमिही तो
अवरजम्मो आहारस्स मम । ततो राइणा निरुद्धा दो वि रहा। ततो महापउमो इमं पेच्छिय अईव अधिईए जणणिसोएण य सोयगहियचित्तो नीहरितो देसजत्ताए। पसुत्ते य जणे रयणीए न केणावि नातो। गच्छमाणो य महाडइं पविट्ठो। तत्थ य परिभममाणो पत्तो तावसालयं, कयसम्माणो य तेहिं अच्छिउं पयत्तो। इत्तों य चंपाए नयरीए जणमेजतो. राया परिवसइ । सो य कालनरिंदेणं पडिरुद्धो । जायमाओहणं । पलाणो य नायरजणो। अप्पपरीहूतो सयललोतो । नटुं अंतेउरं । एवं च संजाए महाविन्भमे जणमेजयस्स राइणो भज्जा नागवई नाम सह मयणावलीए दुहियाए पलायमाणा आगया तं तावसासमं । समासासिया कुलवइणा ठिया तत्थेव। जातो कुमारमयणावलीण परोप्परमणुरातो । लक्खियाई कुलवइ-नागवईहिं । भणिया य नागवईए मयणावली-जहा पुत्ति! किं न सरेसि निमित्तियवयणं ?, जहा 'चकवट्टिस्स पढमपत्ती भविस्ससि ता किं जत्थ तत्थाणुरागं करेसि?। कुलवइणावि विसजिउकामेण कुमारो भणितोकुमार! गच्छ तुम जत्थ पयट्टो । कुमारो वि 'नूणमिमीए समागमेणाहं समत्तभरहाहिवो होऊण गामनगराईस सबत्थ जिभवणाई कराविस्सामि' ति मणोरहमालाउलो निग्गतो, भमंतो य पत्तो सिंधुनंदणं नाम नयरं । तत्थ य उज्जाणियामहसवे निग्गयाओ नयरनारीओ कीलंति मत्तातो विविहपयारेहिं । इतो य ताण सुणिऊण केलिकलयलं उम्मूलियालाणखंभो महसेणनरवइणो पहाणहत्थी वावाइऊण मिठं वेएण संपत्तो तम्मि नारीजणसमूहासन्ने। ताओ य तं दट्टण भयभीयाओ पलाइउं असमत्थातो तत्थेव ठियातो धाहाविउ पयत्ताओ। ततो अदूरदेसट्टिएण महापजमकमारेण तमित्थियावग्गं तेण करिणा कयत्थिजंतं दद्दूग करुणोववन्नहियएण पहाविऊण अभिमुहं हकितो सो करी । सो वि वेगेण वलितो। कुमाराभिमुहं धावतं दवण भणिउं पयत्तातो ताओ-हाहा! अहो! अम्ह रक्खणथमिमो महाणुभावो समुजतो
BXoko-koKEXOXOKE
अ०४२
