Uttaradhyayanani

SR No.: 600356
Original Sutra Author: N/A
Author: Nemichandracharya
Publisher: Pushpachandra Kshemchandra Balapurwala
Publication Year: 1937
Total Pages: 798
Language: Prakrit
Classification: Manuscript & agam_uttaradhyayan
File Size: 21 MB

Page 507

श्रीउत्तराध्ययनसूत्रे श्रीनेमिचन्द्रीया सुखबोधाख्या लघुवृत्तिः ।
अष्टादशं संयतीयाख्यमध्ययनम्।
महापद्मचक्रिणो वक्तव्यता।
(OXOXOXOXOXOXOXOXOXOX
करिणा विणासिज्जइ लग्गो' । "एवं च भणंतीणं, पेच्छंताणं च ताण जुबईणं । करिणा दिन्नो विज्झो, कुमारखेत्तम्मि उवरिल्ले॥१॥ एयम्मि अंतरम्मी, मिलितो सन्बो विनायरजणोहो।सामंतभिच्चकलितो, सहितो महसेणराएणं ॥२॥ भणियं च नरिदेणं, मा मा मा कुमर! दुक्कसु इमस्स । दुट्ठस्स महाकरिणो, रुटुस्स व हयकयंतस्स ॥३॥" कुमारेण भणियं-महाराय ! पेच्छ वीसत्थो, खणेण चेव वसीकरेमि इमं मत्तकरिं ति। ततो लग्गो कीलाविउ, सत्थभणिएहिं करणेहिं नीतो समं, आरूढो विजुखित्तकरणेण तम्मि मत्तगयवरे । “एवं च महापउमो, काऊण वसम्मि तं वरगइदं। हत्यारोहस्स पुणो, समप्पिउं झत्ति अवयरइ॥४॥ इय सो साहुक्कारेण पूइओ रायपमुहलोएण। देवोवमो कुमारो, जयउ इमो इय भणंतेहिं ॥५॥” ततो नरवइणा विन्नायं-जहा एस कोइ महापुरिसो पहाणकुलसमुद्भवो य, अन्नहा कहं एरिसं रूवं विन्नाणं च ?।ततो नेऊण | सगिह कयोवयारस्स दिन्नं कन्नाण सयमेगं । ताहि य समं विसयसुहमणुहवंतस्स महापउमकुमारस्स वच्चंति दियहा, | किंतु तहावि तं मयणावलिं सरइ हियएण । अन्नया सयणीयातो रयणीए पसुत्तो अवहरिओ वेगवईए विज्जाहरीए । दिट्ठा य निद्दाखएण सा तेण, भणिया य दरिसिऊण मुट्ठिवंधं-किं मं तुममवहरसि । तीए भणियं-निसुणसु कुमार!, | वेयड्ढे सूरोदयं नामऽथि नयरं, इंदधण नाम तम्मि विजाहराहिवई परिवसइ, भज्जा य सिरिकता, धूया य जयचंदा, सा य पुरिसवेसिणी न इच्छइ कि पि पवरं पि वरं, ततो नरवइभणियाए मए पट्टियालिहिया दंसिया तीए सधे वि
भरहनरवरिंदा, न य तेसिं कोई अभिरुइओ। अन्नया तुम्ह रूवं दंसियं, ततो तुम्ह रूवर्दसणाणतरमेव गहिया कामा|वत्थाए, भणिया य अहं तीए-जइ मम एस भत्तारो न संपज्जइ ता अवस्स मए मरियचं, अन्नस्स जावज्जीवं निवित्ती पुरिसस्स । इमो य वइयरो मए साहितो तीए जणणिजणयाणं । तेहिं अहं तुम्ह आणणनिमित्तं पउत्ता। ततो तीए अवीससंतीए पुरतो इमा पइन्ना मए गहिया-"जइ तं नाणेमि अहं, रायकुमारं अइप्पियं तुझं । ता जालिंधणजलिए, जलणम्मि
॥२४७॥
॥२४७॥