________________
xoxoxoxoxoxoxoxoxoxox
परिक्खिव मंसं । तह तह य होइ सउणो, गरुययरो देवमायाए ॥१॥ दृहूण तयं राया, हाहारवमुहल परियणसमक्खं । आरुहइ सयं चिय वरतुलाए नियजीयनिरवेक्खो ॥२॥ इय तुलियदेवमायं, रायं दद्दूण विहितो देवो । दंसेइ नियं रूवं, मणिकुंडलभूसियसरीरं ॥ ३ ॥ अणुसासिऊण रायं, देवो तह संसिऊण नियभावं । हरिसाऊरियहियतो, विम्हियमणसो गतो सहसा ॥ ४ ॥ अन्नया य वज्जाउह सहस्साउहा पियापुत्ता खेमंकर तित्थयरगणहरसमीवे जायवेरग्गा सहसाउहसुयं बलिं रज्जे अहिसिंचिऊण पवइया । पवज्जापरियागं परिवालिऊण पायवोवगमणविहिणा काऊण अणसणं ईसिप भारसिहरम्मि दो वि • जणा उवरिमउवरिमगेवेज्जे एगत्तीससागरौवमट्ठिइया अहमिंदा देवा जाया । तो तं अहमिंदसोक्खमणुहविऊण चुया समाणा इहेव जंबुद्दीवे दीवे पुत्रविदेहे पुक्खलावईविजए पुंडरिगिणीए नयरीए घणरहो नाम राया, तस्स दुवे महादेवीओ पउमावई मणोरममई य, तासिं गब्भे जाया वज्जाउहो मेहर हो, सहस्सा उहो दढरहो ति । वड्डिया देहेणं, कयं कलागहणं । मेहरह- दढरहाण य पुवभवन्भासतो परिणओ जिणदेसितो धम्मो, जाया अहिगयजीवाइपयत्था सुसावगा । अन्नया य पिउतित्थयरसमीवे दो वि जणा नियपुत्तं रज्जे अहिसिंचिऊण दाऊण य उरं परीसहाणं पवइया । तत्थ मेहरहेणं अहिज्जियसुत्तत्थेणं वीसाए अन्नयरएहिं ठाणेहिं समज्जियं तित्थयरनामगोत्तं कम्मं । ततो संलेहणासंलिहियदेहा विहिणा कालं काऊण अणुत्तरोववाइएसु देवेसु उववन्ना । तत्थ य अणुहविऊण सुरलोयसुहं मेहरहकुमारो चइऊण सबट्ठविमाणातो इहेव जंबुद्दीवे दीवे भारहे वासे हत्थिणाउरे नयरे वीससेणस्स राइणो अइरादेवीए कुच्छिसि भद्दवयकिण्हसत्तमीए चउद्दसमहासुमिणसूइतो पुत्तत्ताए उववन्नो । नवमासे साहिए उयरे धरिऊण तियसिंदनमंसियं तिहिं नाणेहिं समग्गं भयवंतं तित्थयरं जेट्ठ किण्हतेरसीए अद्धरते सुहंसुद्देण पसूया देवी । कयं छप्पन्न दिसाकुमारीहं जायकम्मं । अवि य - अहलोग- उड्डलोगा, पुवाईरुयगवासिणीतो य । अट्ठऽट्ट विदिसिमज्झिमरुयगा तो एंति
श्रीशान्तिनाथचक्रिणो
वक्तव्यता ।
