________________
भूमिं तयणंतरमुप्पइतो । ताव य कूइयं महादेवीए - जहाऽहं देव ! कुक्कुडसप्पेणं खइया ता परित्तायउ मं देवो त्ति । एवं सोऊण तुरियं समागतो। ताव य सा पंचत्तमुवगया । राया य सोगपरवसो तीए सद्धिं चियाए पविट्ठो । जलिउमाढत्तो जलणो । ताव य थेववेलाए समागया दुवे विज्जाहरा । तत्थ एगेण अभिमंतिऊण सलिलं सित्ता चिया । नट्ठा वेयालिणी विज्जा अट्टट्टहास काऊण । समासत्थो राया जातो, भणियं च तेण -- किमेयं ? ति । भणियं च विज्जाहरेहिं — जहा अम्हे पिया उत्ता अमियतेयस्स परिग्गहे वट्टामो, जिणवंदणनिमित्तं गया आसि, आगच्छंतेहि य निसुतो सुताराए असणिघोसेण निज्जंतीए अकंदसद्दो, अम्हे य तम्मोयावणत्थं जुज्झसज्जा जाया । ततो सुताराए भणिया - अलं जुज्झेण, जहा महाराओ वेयालिणीए विज्जाए वेळवितो जीवियं न परिच्चयइ तहा गंतूण उज्जाणे सिग्घं करेह । ततो अम्हे इहं आगय त्ति, दिट्ठो य तुमं वेयालिणी विज्जाए समं चियारूढो, अहिमंति यजलेण सित्ता चिया, नट्ठा य सा दुट्ठविज्जा, ततो उट्ठतो तुमं ति । अवहरियं सुतारं नाऊण विसन्नो राया । भणिओ य तेहिं - 'वीसत्थो होहि, कहिं जाइ सो पावो ?' ति संठविऊण गया विज्जाहरा । विन्नातो एस वइयरो अमिअतेएणं । गया य चमरचंचं नयरिं अमियतेय-सिरिविजया असणिघोसंतियं । पट्ठवितो वाहिं ठिएहिं चैव असणिघोसस्स दूतो, पलाणो य सो, पहाविया पिट्टतो । दिट्ठो य अयलस्स उप्पन्नकेवलस्स समीवे असणिघोसो । आणिया सुतारा तत्थेव एगेण अमियतेयविज्जाहरेण । ततो उवसंतवेरा केवलिसमीवे धम्मं सुणंति । लद्धावसरेण य भणियं असणिघोसेण— जहा न मए दुट्टभावेण अवहरिया सुतारा, किंतु विज्जं साहिऊण आगच्छंतेण मया दिट्ठा इयं, न सक्केमि य परिच्चइउं पुबसिणेहेण, ततो छलेण वामोहिऊण सिरिविजयं वेयालिणीए विजाए घेत्तूणं सुतारं समागतो अहं, ता खमियवं तुम्हेहिं अदुट्ठभावस्स महं
१ प्रथमबलदेवस्य |
श्री शान्तिनाथचक्रिणो
वक्तव्यता ।
