________________
चित्रसम्भूतवक्तव्यता।
हीरेसि वयणं । ताव सविलक्खं हसिऊण भणियं तीए-किमंब ! तुम्हाण वि अकहणिजमत्थि ? किंतु लज्जा एत्थावरज्झइ, ता सुबउ-जेणाहं हत्थिसंभमाओ रक्खिया तेण सद्धिं पाणिग्गहणं न होइ ता मे अवस्सं मरणं सरणं |ति । तओ एयमायन्निऊण कहिओ पिउणो तीए वुत्तो । तेणावि तुह समीवे अहं पेसिया, तो पडिच्छसु इमं बालियं । मन्नियं च तेण । पसत्थदियहे वित्तो विवाहो । वरधणुणो वि सुबुद्धिनामेणामच्चेण नंदाभिहाणकन्नं दाऊण कयं विवाह-IX मंगलं । एवं च दोण्ह वि विसयसुहमणुहवंताणं अइकता कइवयवासरा । उच्छलिया सबओ तेसिं पउत्ती। तओ गया वाणारसिं । तओ बंभदत्तं बाहिं ठविउं गओ वरधणू कडयसमीवं । हरिसिओ एसो सबलवाहणो निग्गओ सम्मुहो। तओ समइच्छिऊणारोविउ हत्थिखंधे पवेसिओ नियभवणे । कमेण य दिन्ना नियधूया कडयावई नाम अणेगगयहयरहभंडारसमेया । पसत्थदिणे वित्तो विवाहो । तीए समं विसयसुहमणुहवंतस्स वच्चए कालो। तओ दूयसंपेसणेण समागओ सबलवाहणो पुप्फचूलो राया, धणुमंती कणेरुदत्तो अन्ने य चंदसीह-भवदत्तादयो बहवे रायाणो । तेहिं वरधणू सेणावई अभिसिंचिऊण पेसिओ दीहराइणो उवरि । पयत्तो अणवरयं गंतुं। एत्थंतरे पेसिओ दीहेण कडगाईण दूओ। निन्भच्छिओ य सो तेहिं । अप्पणा वि अणवरयपयाणएहिं गच्छंता पत्ता कंपिल्लपुरं । तओ समंतओ निरुद्धनिग्गमपवेसं कयं तं । तओ सो दोहराया 'केत्तियं कालं बिले पविटेहिं अच्छियवं?" ति साहसमवलंबिऊण निग्गओ सम्मुहो। समावडियं महासमरं दोण्ह वि सेन्नाणं । तओ भग्गं णियसेन्नं दट्टण दीहो काऊण पोरुसं 'अन्नहा वि णत्थि मुक्खों त्ति कलिऊण सम्मुहमुवडिओ। तओ तं पेच्छिऊण बंभदत्तो संधुक्कियकोवानलो चलिओ तदमिमुहं । लग्गमाओहणं । तओ गंडीव-खग्ग-कुंत-गया-भिंडिमालपमुहेहिं पहरिऊण मुक्कं बंभदत्तण चकं । तेण दीहराइणो कबंधीकयं सरीरं । तो 'जयइ चक्कवट्टी' त्ति उच्छलिओ कलयलो। सिद्धगंधबेहि मुका कुसुमवुट्टी, वुत्तं च-जहेस बारसमो
