________________
चित्रसम्भूतवक्तव्यता।
XX8XOXOXOXOXOXOXOXOXOXO
त्ति । वडिओ देहोवचएणं कलाकलावेण य । तस्स य वंभराइणो उत्तमवंससंभूया महारायाणो चत्तारि मित्ता आसि ।। |तं जहा-कासिविसयाहिवो कडओ, गयउरवई कणेरुदत्तो, कोसलविसयाहिवई दीहो, चंपाहिवई पुप्फचूलो त्ति । ते अञ्चंतनेहेण परोप्परं विरह्मणिच्छंता समुइया चेव संवच्छरमेक्ककं परिवाडीए विविहकीलाविलासेहिं सरजेसु चिट्ठति। अन्नया ते समुइया चेव बंभसमीवमागया । चिटुंताण य ताणं मरणपज्जवसाणयाए जीवलोयस्स बंभस्स मंततंतोसहाईणमसज्झो उप्पन्नो सिरे रोगो। तओ तेण वाहराविया कडगाइणो मित्ता। ताणं च उच्छंगे मुक्को बंभदत्तो, वुत्ता य ते-जहा तुम्भेहिं एस रजं कारेयवो त्ति । एवं रजचिंतं काऊण कालगओ। कयं से वयंसेहिं पेयकिच्चाइयं ।। तओ कडगाईहिं भणियं-'जाव एसो कुमारो रजधुरावह्णजोगो होइ ताव अम्हेहिं एवं रज पालेयत्वं' ति मंतिऊण सवसम्मएण दीहं ठविऊण गया सरजेसु सेसा । गएसु य तेसु सो दीहो परिपालेइ सयलसामग्गिय रजं, पलोएइ भंडारं, पविसइ अंतेउरं, मंतइ समं चुलणीए। तओ दुन्निवारयार इंदियाणं अगणिऊण बंभमित्तत्तणं अवमन्निऊण वयणीयं संपलग्गो समं चुलणीए । एवं पवड्डमाणविसयसुहरसाणं गच्छंति दिणा । ततो बंभराइणो बीयहिययभूएण धणुनामेण मंतिणा अवितहं मुणियं, चिंतियं चणेण-जहा 'जो एवंविहं पि अकजमायरइ सो किं बंभदत्तकुमारस्स उदयं इच्छइ ? ति चिंतिऊण वरधणू नाम कुमारो एगते भणिओ-जहा पुत्त! एयस्स माया दुच्चारिणी जाया, तो एयस्स रहसि जाणावेहि एयं वइयरं कुमारस्स । तहा कयं तेण । तओ कुमारो माउदुच्चरियं मणसा असहमाणो तीए जाणावणनिमित्तं कायकोइलासंगहणं घेत्तूणं अंतेउरमझे गंतु-'अन्नो वि जो एवं करिस्सइ तस्साहं निग्गरं काहामि' त्ति भणइ । तओ अन्नदियहे भद्दकरिणीए सह संकिन्नगयं घेत्तूण तहेवागओ। तओ दीहेण एयं मुणिय भणिया चुलणी-अहं कागो तुम कोइल त्ति । तीए संलत्तं-बालो कुमारो जं वा तं वा उल्लवइ । ततो
XXOXOXOXOXOXOX8X0
