________________
तते णं से कंडरिए थेरेहिं सद्धिं किंचि कालं उग्गं उग्गेणं विहरेत्ता तओ पच्छा समणत्तणनिविण्णे समणत्तणनिव्भत्थिए | समणगुणमुक्कजोगे थेराणमंतियाओ सणियं सणियं पच्चोसकइ । जेणे व पुंडरिगिणी नयरी जेणेव पुंडरीयस्स रन्नो भवणे | जेणेव असोगवणिया जेणेव असोगवरपायवे जेणेव पुढविसिलापट्टए तेणेव उवागच्छइ २ जाव सिलापट्टयं दुरुहइ २ | ओह्यमणसंकल्पे जाव झियायइ । तए णं पुंडरीयस्स अम्मधाई तत्थागच्छइ, जाव तं तहा पासइ २ पुंडरीयस्स साहइ । सेवि य णं अंतेउरपरियणसंपरिवुडे तत्थ गच्छइ २ तिक्खुत्तो आयाहिणपयाहिणं करेइ । जाव धन्ने सिणं स जाव तुसिणीए । तए णं पुंडरीए एवं वयासि — अट्ठो भंते ! भोगेहिं ? । हंता अट्ठो । तए णं कोडुंबियपुरिसे सहावेइ २ कलिकलुसेण व अहिसित्तो रायाभिसेएणं जाव रज्जं पसासेमाणे विहरइ । तए णं से पुंडरीए सयमेव पंचमुट्ठियं लोयं करेइ २ चाज्जामं धम्मं पडिवज्जइ २ कंडरीयस्स आयारभंडगं सवं सुहसमुदयं पिव गेण्हइ २ इमं च अभिग्गहं | गेहइ — कप्पइ मे थेराणं अंतिए धम्मं पडिवज्जेत्ता पच्छा आहारं आहारेत्तए त्ति कट्टु थेराभिमुद्दे निग्गए । कंडरीएण य तम्मि दिणे सुबहुपणीए आहारे अइकंखाए आहारिए । तए णं तस्स तं पणीयं पाणभोयणं आहारियस्स नो सम्मं परिणयं, वेयणा पाउ भूया उज्जला विउला दुरहियासा । तते णं से मंतिसामंतेहिं अवहीरिए अकयपडियारे रज्जे य जाव अंतेउरे य मुच्छिए अज्झोववण्णे अट्टरुद्दज्झाणवसमुवगए अकामए कालं किचा सत्तमपुढवीए तेत्तीससागरोवमट्टिईए नेरइए जाए। पुंडरीए वि य णं थेरे पप्प तेसिं अंतिए दोच्चं पि चाज्जामे धम्मे पडिवज्जइ । अट्ठमखमणपारणगंसि अदी जाव आहारेइ, तेण य कालाइकंतसीयललुक्खअरसविरसेण अपरिणएण वेयणा दुरहियासा जाया । तते णं से अधारणिज्जमिति कट्टु करयलपरिग्गहियं जाव अंजलिं कट्टु नमोत्थु णं अरहंताणं भगवंताणं जाव संपत्ताणं, नमोऽत्थु णं थेराणं भगवंताणं आयरियाणं धम्मोवएसयाणं, पुत्रिं पि य णं मए थेराणं अंतिए सबे पाणाइवाए पश्चक्खाए जावज्जीवाए
गौतमस्वामिवक्तव्यता ।
