________________
गौतमस्वामिवक्तव्यता।
पयाहिणीकाऊण वंदिओ भयवं, उवविट्ठो धरणियले। कहिओ भगवया जीवदयाइओ धम्मो । वन्निया माणुसत्ताइया दुल्लहा धम्मसाहणसामग्गी। परूविया मिच्छत्ताइया कम्मबंधहेऊ । उवइट्ठाणि महारंभाइयाणि णरयगइकारणाणि । परूविओ जम्माइदुक्खपउरो संसारो । परूवियं कोहाइकसायाणं भवभमणहेउत्तणं । पयडिओ सम्मइंसणाइओ मोक्खमग्गो। इमं च सोऊण संवेगमुवगओ सालो भणइ-जं नवरं महासालं रजे ठावेमि ताव तुम्ह पायमूले गिण्हामि | पयजं । पविट्ठो नयरिं, भणिओ महासालो-तुमं गेण्ह रज, अहं पचयामि । तेण भणियं-अलं मे महारंभनिबंधणेण महामोहहेउणा विवेयपडिवक्खेण दोग्गइसहस्सदायगेणं अभिमाणमेत्तसुहेणं रजेणं, अहं पि संसारभउविग्गो भीओ जम्मणजरमरणाणं, ता जहा तुब्भे मम इहं मेढी पमाणं तहा पवइयस्स वि । ताहे गागलिं कंपिल्लाओ सदावेऊण तस्स | पट्टो बद्धो, अभिसित्तो य राया जाओ। सो पुण तेसिं दो सिबियाओ कारेइ । जाव ते पवइया, सा भगिणी समणोवासिया जाया । तए णं ते समणा होंतगा एक्कारस्स अंगाई अहि जिया। तए णं समणे भगवं महावीरे बहियाजणवयविहारेणं विहरइ । तेणं कालेणं तेणं समएणं रायगिहं णाम नयरं। तत्थ सामी समोसढो। पडिबोहिऊण भवसत्ते ततो निग्गओ |पं जओ विहरिओ। ताहे साल-महासाला सामि आपुच्छंति-अम्हे पिट्टिचं वच्चामो जइ नाम ताण कोइ बुज्झेजा सम्मत्तं वा लभेज्जा । सामी वि जाणइ-जहा ताणि संबुज्झिहिंति । ताहे सामिणा तेसिं गोयमसामी विइजओ दिन्नो । गोयमसामी पिट्टिचंपं गओ । तत्थ समोसरणं । गागली पिढरो जसवई य निग्गयाणि । भगवं धम्मकहं कहेइ । तंजहा–भो भो भवसत्ता!, मा चिट्ठह विसयपसत्ता; अणेयदुहसयदारुणो संसारप्पबंधो, मा करेह एयम्मि पडिबंधो; किच्छेण माणुसत्ताइसामग्गी पाविज्जइ, अकयधम्माणं सा निप्फला संपजइ; चोल्लगाइदिटुंतेण पुणो दुल्लहा वन्निजइ, जओ अहम्मेण जीवो कुजोणीसु भामिज्जइ; असारमणिचं वित्तं, मा तम्मि मुज्झावह चित्तं; विरसावसाणा कामभोगा,
XXXOXOXOXXX
