________________
नवमं
श्रीउत्तराध्ययनसूत्रे श्रीनेमिच
न्द्रीया मुखबोधाख्या लघुवृत्तिः ।
नमिप्रवज्याऽऽख्यमध्ययनम् ।
नमिचरित्रम् ।
॥१४॥
alराया रजसिरिं पालेमाणो गमेइ कालं। इओ य सो मणिरहो तीए चेव रयणीए फणिणा दट्ठो कालगओ चउत्थीए
पुढवीए नेरइओ उववन्नो त्ति । तओ चंदजसो सामतेहिं मंतीहि य राया ठविओ। ते य भायरो दो वि सकारिया । चंदजसो रज्जसिरिं पालेइ।
अन्नया य नमिसंतिओ सयलरजप्पहाणो धवलहत्थी आलाणखंभं भंजिऊण विज्झाडईए सम्मुहं पत्थिओ। सो य सुदंसणपुरस्स समीवेण वच्चइ । चंदजसराइणो तुरयवाहियालीए गयस्स दिट्ठो मणुस्सेहिं, कहिओ राइणो। तेण | गहिऊण नयरं पवेसिओ, तत्थ चिट्ठइ । चारपुरिसेहिं नाऊण नमिराइणो साहियं-जहा धवलहत्थी चंदजसेण गहिओ चिट्ठइ, देवो पमाणं ति । नमिराइणा चंदजसस्स दूओ पेसिओ इमेणत्थेण-जहेस धवलहत्थी मम संतिओ, एयं पेसह । चंदजसस्स दूएण गंतूण साहियं नमिवयणं । चंदजसेण भणियं-न कस्सइ रयणाणि अक्खरलिहियाणि, जो चेव बलेण अहिओ भवइ तस्सेव भवंति । अविय-"को देइ ? कस्स दिज्जइ ?, कमागया कस्स कस्स व | निबद्धा? । विक्कमसारेहि जए, भुजइ वसुहा नरिंदेहिं ॥१॥" तओ असम्माणियपूइओ आगओ दूओ मिहिलं । साहियं नरिंदस्स चंदजसवयणं । कुविओ सबबलेण चलिओ नमी चंदजसोवरिं। इओ य चंदजसो नमिरायं आगच्छमाणं नाऊण बलसमग्गो नीहरंतो सम्मुहं अवसउणेण निवारिओ। तओ मंतीहिं भणिओ चंदजसो-ताव गोउराई पिहिऊण चिट्ठसु, पुणो कालोइयं नाऊण चिहिस्सामो। तओ राइणा 'तह' त्ति कयं । एवं च नमिराइणा आंगतूण रोहियं चउद्दिसिं नयरं । लोगपारंपरओ निसुयं सत्बयज्जाए, चिंतियं च-मा जणवयक्खयं काऊण अहरगई वच्चंतु, ता दो वि गंतूण उवसमावेमि । गणिणीए अणुनाया साहणिसहिया गया सुदंसणपुरं । दिट्ठो य अज्जाए नमिराया। दिन्नं परममासणं । वंदिऊण नमी उवविट्ठो धरणीए । साहिओ अजाए असेससुहकारओ जिणिंदप्पणीओ
महाराall॥१४०
