________________
नमि
चरित्रम् ।
न चेव माया, न सुया न य भायरो न सुहि बंधू । न य धणनिचया सरणं, संसारे दुक्खपउरम्मि ॥१॥ एको |चिय इह सरणं, जम्मण-जर-मरण-दुक्खतवियाणं । सत्ताण सुहनिहाणं, जिणिंदपरिभासिओ धम्मो ॥२॥" एवं च |सवं जुगबाहुणा उत्तमंगविरइयकरमउलिणा पडिच्छियं । थेववेलाए सुहज्झवसाणोवगओ पंचत्तमुवगओ। तओ अकं| दिउमाढत्तो चंदजसो । मयणरेहाए चिंतियं-धिरत्थु मज्झ रूवस्स एवंविहाणत्थमूलम्स, संपइ एस पावकारी अणिच्छमाणीए वि मे अवस्स सीलभंगं करिस्सइ, ता अलं एत्थावत्थाणेण, अन्नत्थ देसे गंतूण परलोयकजमणुचिट्ठामि, अन्हा पुत्तस्स वि एस पावो विणासं करिस्सइ । एवं मंतिऊग सोगाउलहिययाण चंदजसाईण अड्डरत्तसमए गुरुदुक्खसंतत्तमणा नीहरिया उज्जाणाओ गया पुवाभिमुही। पत्ता महाडइं । वोलीणा जामिणी । वच्चंतीए मज्झण्हे पावियं पउमसरं । वणफलेहिं कया पाणवित्ती । अद्धखेयखिन्ना पसुत्ता सागारं भतं पच्चक्खाइत्ता कयलीहरे । आगया रयणी । तीए घुरुकंति वग्या, गुंजंति सीहा, धुरुधुरंति वराहा, फेक्कारंति भेरवं भसुयाओ । एवं अणेगसावयसद्दवित्तत्थाए नमोका-I7 रचिंतणपराए अवरत्ते जाया उयरे अईववेयणा । किच्छेण पसूया सवलक्खणसंपन्नं दारगं । पहाए य कंबलरयणेण वेढित्ता जुगबाहुनामंकियं मुद्दारयणं उलंबिऊण कंधराए गया सरवरं । पक्खालिऊण अंबराइं अवइन्ना मजणत्थं । एत्थं
तरे जलमज्झाओ कयंतो व समुद्धाइओ अईवजवेण जलकरी। गहिया तेण सुंडाए। पक्खित्ता नहयले। भवियचयानिओX गेण दिट्ठा नंदीसरदीवपत्थिएण विजाहरजुवाणेणं । 'रूववइ' त्ति काऊण गहिया निवडमाणी करुणं रुयमाणी । नीया वेयड
पवयं। भणिओ य सो रुयमाणीए-भो महासत्त! अजाहं रयणीए वणमज्झे पसूया, दारगं तं च कयलीहरे मुत्तूण सरमवइन्ना, जलगएण उक्खित्ता तुमए गहिया, ता सो बालो केणइ वणयरेण वावाइजस्सइ अहवा आहारविरहिओ सयं चेव विवजेजा, ता महापुरिस! अवच्चदाणेण पसायं काऊण मा विक्खेवं करेहि, दारयमाणेहिं ममं वा तत्थ नेहि त्ति ।
XXXXXXXXXXXXXX
