________________
नमिचरित्रम् ।
तीए सह पीइं घडेइ । पुप्फ-कुंकुम-तंबोल-बत्था-ऽलंकाराइयं पेसेइ । न य तीए कोइ अन्नो दुट्ठभावो हियए । एवं कालो| बच्चइ । अन्नया मणिरहेण मयणरेहा भणिया-सुंदरि ! जइ ममं पुरिसं पडिवज्जसि ता सयलरजसामिणिं करेमि । तीए भणियं-नपुंसित्थिभावेण वज्जियस्स पुरिसत्तं तुज्झ पुवकम्मेणेव जायं, मया अप्पडिवन्ने वि जं पुण रजसामित्तं तं पि को हरिगं तरइ तुह भाइजुवरायघरिणीसदं वहतीए ममं? ति, अन्नं च जे सप्पुरिसा हवंति ते मरणवसणं बहुमन्नंति न उण इहलोय-परलोयविरुद्धं आयरंति, जओ-“जीवाणं हिंसाए, अलिएणं तह परस्स हरणेणं । परइत्थिकामणेणं, जीवा नरयम्मि वञ्चंति ॥ १॥" ता महाराय ! एवं ववत्थिए मुत्तूण दुट्ठभावमायारं पडिवजसु । एवं च सोऊण तुहिको ठिओ। चिंतियं च तेण-न एसा जगवाहम्मि जीवमाणे अन्नं पुरिसमिच्छेइ, ता एयं विस्संभेण घाएमो, तओ बलकारेण गिहिस्सामि, न अन्नो को वि उवाओ अत्थि त्ति । एवं कालो वच्चइ । अन्नया मयणरेहा| चंदं सुमिणे दङ्ण भत्तुणो साहेइ । तेण भणिया-सुंदरि ! सयलपुहविमंडलनयलस्स मयंकभूओ सुओ ते भविस्सइ । तओ तीए गब्भसंभवो संवुत्तो। तइए य मासे दोहलो जाओ-जइ जिणाणं मुणीणं च पूर्य करेमि, सययं च तित्थयराणं संतियाओ कहाओ निसुणेमि । तओ जहिच्छाए संपूरियडोहला गम्भं सहेणबहइ । अन्नया वसंतमासे जुगबाहू मयणरेहाए सह उजाणे कीडत्थमुवागओ। खजभोयणपाणखित्तस्स अत्थगिरीओ वोलीणो अहेसरो । उच्छाइओ तमनियरेण भुवणाभोओ। तओ जुगबाहू तम्मि चेव उज्जाणे ठिओ। मणिरहेण चिंतियं-सोहणो एस अवसरो, एगं ताव जुगबाहू नयरबाहिरुज्जाणे ठिओ, बीयं थोवसहाओ, तइयं रयणी, चउत्थं तिमिरनियरेण अंधारियं वणं, ता गंतूण मारेमो, ताहे मयणरेहाए सह निस्संक रमिस्सामि । एवं च चिंतिऊण मण्डलग्गं गहाय गओ उज्जाणं । जुगबाहू वि काऊण रइकीलं पसुत्तो कयलीहरे । पुरिसा चउसु वि पासेसु निवन्ना । भणिया य ते मणिरहेण-कत्थ जुगबाहू। साहिओ
KeXOXOXOXXOXOXOXoke
