________________
दुर्मुखचरित्रम् ।
लोएण य तस्स 'दोमुह त्ति नाम कयं । अइकंतो कोइ कालो। तस्स य राइणो सत्त तणया जाया। 'दुहिया मे णत्थि' त्ति गुणमाला अद्धिति करेइ । मयणाभिहाणस्स जक्खस्स इच्छइ उवाइयं । अन्नया पारियायमंजरीउवलंभसुविणयसूइया जाया तीसे दुहिया । कयं च वद्धावणयं, दिन्नं जक्खस्स ओवाइयं, कयं च तीए नामं मयणमंजरि त्ति । कमेण जाया जोवणत्था । इओ य उजेणीए चंडपज्जोओ राया। तस्स दूएण साहियं-जहा दुम्मुहो राया जाओ। पजोएण भणियं-कहं ? । दूएण भणियं-तस्स एरिसो मउडो अत्थि तम्मि आरोविए दोमुहाणि हवंति । मउडस्सुवरि |पज्जोयस्स लोभो जाओ। दूअं दुम्मुहराइणो पेसइ-एयं मउडरयणं मम पेसेहि, अह न पेससि तो जुझसज्जो
होहि । दोमुहराइणा दूओ भणिओ पजोयसंतिओ-जइ मम जमग्गियं देह तो अहमवि मउडं देमि । दूएण भणियं| किं मग्गह ? । राइणा भणियं-देह अनलगिरिहत्थी, अग्गिभीरू तहा रहवरो य । जाया य सिवादेवी, लेहायरियलोहजंघो य॥१॥ एयं च पजोयस्स रजसारं। पडिगओ दूओ उजेणिं । साहियं पजोयस्स दोमुहसंतियं पडिवयणं । कुद्धो अईव पजोओ चलिओ चतुरंगबलेण । दोन्नि लक्खा मयगलाणं, दोन्नि सयसहस्सा रहाणं, पंचअजुयाणि हयागं, सत्तकोड़ीओ पयाइजणाणं । अणवरयपयाणेहिं संपत्तो पंचालजणवयसंधिं । इयरो विदोमुहराया चउरंगबलसमग्गो नीहरिओ नयराओ । गओ पडिसम्मुहं पजोयस्स पंचालविसयसंधीए । रइओ गरुडव्हो पजोएण, सायरहो दोमुहेण । तओ कमेण संपलग्गं दोण्ह वि बलाण जुझं । सो मउडरयणप्पभावेण अजेओ दोमुहराया। भग्गं पजोयस्स बलं । बंधिऊण पजोओ पवेसिओ नयरं । दिन्नं चलणे कडयं । सुहेण तत्थ पजोयराइणो वच्चइ कालो। अन्नया दिट्ठा तेण मयणमंजरी। जाओ गाढो अणुराओ। तओ कामग्गिणा डज्झमाणस्स चिंतासंतावगयस्स वोलीणा कह वि राई । पञ्चूसे स गओ अत्थाणं । दिट्ठो परिमिलाणमुहसरीरो दोमुहराइणा, पुच्छिओ सरीरपउत्तिं । न देइ पडिवयणं । सासंकेण य गाढयरं
