Page Text
________________
श्रीउत्तराध्ययनसूत्रे श्रीनैमिच
न्द्रीय वृत्तिः ॥ ६३ ॥
णामपयरिसं गुणतेण दवाइसुद्धिं च वियाणिऊण — 'धम्मसील ! थोवे देज्जह' त्ति भणिऊण धरियं पत्तगं । दिन्ना य तेण पवडमाणाssसएण भणियं च तेण – “धन्नाणं खु नराणं, कुम्मासा होंति साहुपारणए ।” एत्थंतरम्मि गयणंतरगयाए रिसिभत्ताए मूलदेवभत्तिरंजियाए भणियं देवयाए - पुत्त ! मूलदेव ! सुंदरमणुचिट्ठियं तुमे, ता एयाए गाहाए पच्छद्वेण मग्गह जं | रोयए जेण संपाडेमि सवं । मूलदेवेण भणियं - "गणियं च देवदत्तं, दंतिसहस्सं च रज्जं च ॥१॥” देवयाए भणियं - पुत्त ! निश्चिंतो विहरसु, अवस्सं रिसिचलणाणुभावेण अइरेण चेव संपज्जिस्सइ एयं । मूलदेवेण भणियं - भयवइ ! एवमेयं ति । तओ वंदिय रिसिं पडिनियत्तो । रिसी वि गओ उज्जाणं । लद्धा अवरा भिक्खा मूलदेवेण । जेमिओ पत्थिओ य विन्नाय - डसम्मुहं । पत्तो य कमेणं, तत्थ । पसुत्तो रयणीए बाहिं पहियसालाए । दिट्ठो य चरिमजामे सुमिणओ – 'पडिपुन्नमंडलो निम्मलपहो मयंको उयरम्मि पविट्ठो' । अन्नेण वि कप्पडिएण सो चैव दिट्ठो । कहिओ तेण कप्पडियाणं । तत्थेगेण भणियं - लभिहिसि तुमं अज्ज घयगुलसंपन्नं महंतं रोट्टगं । 'ण याणंति एए सुमिणस्स परमत्थं' ति न कहियं मूलदेवेण । लद्धो कप्पडिएण भिक्खागएण घरछायणियाए जहोवइट्ठो रोट्टगो । तुट्ठो य एसो । निवेइओ य कप्पडियाणं । मूलदेवो वि गओ एगमारामं । आवज्जिओ तत्थ कुसुमोश्चयसाहज्जेण मालागारो । दिन्नाई तेण पुप्फफलाई । ताई घेत्तुं सुइभूओ गओ सुमि - | यसत्थपाढगस्स गेहूं । कओ तस्स पणामो । पुच्छिया खेमारोगवत्ता । तेण वि संभासिओ सबहुमाणं, पुच्छिओ पओयणं । मूलदेवेण जोडिऊण करजुयलं कहिओ सुविणगवइयरो । उवज्झाएण वि भणियं सहरिसेणं - कहिस्सामि सुहमुहुत्ते सुविणयफलं, अज्ज ताव अतिही होसु अम्हाणं । पडिवन्नं च मूलदेवेणं । ण्हाओ जिमिओ य विभूइए । भुत्तुत्तरे य भणिओ उवज्झाएण - पुत्त ! पत्तवरा मे एसा कन्नगा, ता परिणेसु ममोवरोहेण एयं तुमं ति । मूलदेवेण भणियं - ताय ! कहूं अन्नाय कुलसीलं जामाज्यं करेसि ? । उवज्झाएण भणियं — पुत्त ! आयारेण चैव नज्जइ अकहियं पि कुलं ।
तृतीयं चतुरङ्गीयाऽध्ययनम् । स्वप्ने दृष्टान्तः ।
॥ ६३ ॥
| SR No. | 600356 |
| Book Title | Uttaradhyayanani |
| Original Sutra Author | N/A |
| Author | Nemichandracharya |
| Publisher | Pushpachandra Kshemchandra Balapurwala |
| Publication Year | 1937 |
| Total Pages | 798 |
| Language | Prakrit |
| Classification | Manuscript & agam_uttaradhyayan |
| File Size | 21 MB |