________________
रयणी । तओ वट्टाओ ओसरिऊण वडपायवहेढओ पसुत्ता । पतसे पुणो पत्थिया, मज्झण्हे तहेव थक्का, तहेव भुत्तं| टकेण, न दिन्नं एयस्स । जाव तइयदियहे चिंतियं मूलदेवेण-नित्थिन्नप्पाया अडवी, ता अज्ज अवस्सं मम दाही |एस । जाव तत्थ विन दिन्नं । नित्थिन्ना य तेहिं अडवी । जायाओ दोण्ह वि अन्नन्नवट्टाओ । तओ भट्टेण भणियं-भो! तुज्झ एसा वट्टा ममं पुण एसा, ता वच्च तुमं एयाए । मूलदेवेण भणियं-भो भट्ट! आगओ अहं तुज्झ पभावेणं, तामझ मूलदेवो नाम, जइ कयाइ किं पि पओयणं मे सिज्झइता आगच्छेज वेन्नायडे, किं च तुज्झ नामं? । टक्केण भणियं-सद्धडो, जणकयावडकेण य निग्घिणसम्मो नाम । तओ पत्थिओ भट्टो सग्गामं । मूलदेवो वि विनायडसम्मुहं ति ।। अंतराले य दिलु वसिमं । तत्थ पविट्ठो मिक्खानिमित्तं । हिंडियं असेसं गाम । लद्धा कुम्मासा, न किंपि अन्नं । गओ जलासयाभिमुहं । एत्थंतरम्मि य तवसुसियदेहो महाणुभावो महातवस्सी मासोपवासपारणयनिमित्तं दिह्रो पविसमाणो । तं |च पेच्छिय हरिसवसुब्भिन्नपुलएण चिंतियं च मूलदेवेण-अहो! धन्नो कयत्थो अहं, जस्स इमम्मि काले एस महातवस्सी X दसणपहमागओ, ता अवस्सं भवियत्वं मम कल्लाणेण । अवि य-मरुत्थलीए जह कप्परुक्खो, दरिद्दगेहे जह हेमवुट्ठी। मायंगगेहे जह हत्थिराया, मुणी महप्पा तह एत्थ एसो ॥१॥ किञ्च-दसणनाणविसुद्धं, पंचमहत्वयसमाहियं धीरं ।। खंती-मद्दव-अज्जव-जुत्तं मुत्तिप्पहाणं च ॥ २॥ सज्झायज्झाणतवोवहाणनिरयं विसुद्धलेसागं । पंचसमियं तिगुतं, अकिंचणं चत्तगिहिसंगं ॥३॥ सुपत्तं एस साहू । ता-एरिसपत्तसुखित्तं, विसुद्धसद्धाजलेण संसित्तं । निहियं तु दवसस्सं, इहपरलोए अणंतफलं ॥ ४॥ ता एत्थ कालोचिया देमि एयस्स चेव कुम्मासा, जओ अदायगो एस गामो, एसो
य महप्पा कइवयघरेसु दरिसावं दाऊण पडिनियत्तइ, अहं पुण दो तिन्नि वारे हिंडामि तो पुणो लभिस्सं, आसन्नो अवरो X| बितिओ गामो ता पयच्छामि सबै इमे त्ति । पणमिऊण तओ समप्पिया भगवओ कुम्मासा । साहुणा वि तस्स परि
