________________
उत्तराध्ययनसूत्रम्
॥२७॥
अष्टादशमध्ययनम् (१८) सनत्कुमारचक्रिकथा२२६-२३९
| व्याधयो व्याधा, इवैणं बाधयन्ति यम् ॥२२६॥ भीता इवामयेभ्यो ये, नष्टा रूपादयो गुणाः ॥ भीरुभृत्यैरिवो
वीशः, कथं माद्यति तैः सुधी:? ॥२२७॥ सरोषा इव ये यान्ति, सेव्यमाना अपि क्षणात् ॥ भोगेषु तेषु को नाम, प्रतिबन्धः सुमेधसाम् ? ॥२२८॥ यतो गुणाः प्रणश्यन्ति वैराग्यविनयादयः ॥ परिग्रहे ग्रह इवा-ऽऽग्रहः कस्तत्र | धीमताम् ? ॥२२९॥ तन्ममत्वं शरीरादे-रद्य श्वो वा विनाशिनः॥ विहाय शाश्वतसुख-प्रदायि व्रतमाददे ॥२३०॥ ध्यात्वेति नन्दनं न्यस्य, राज्ये प्राज्यमतिर्नृपः ॥ विनयंधरसूरीणा-मन्तिके व्रतमग्रहीत् ॥२३१॥ ततः सर्वाणि रत्नानि, सर्वा राज्यो नृपाः समे ॥ निखिला निधयो यक्षाः, सैन्याः प्रकृतयस्तथा ॥ २३२ ॥ गाढानुरागात्तत्पृष्ठे, षण्मासी यावदभ्रमन् ॥ प्रभो! विनाऽपराधं नः, किं जहासीति वादिनः ॥२३३॥ [ युग्मम् ] सिंहावलोकितेनाऽपि, नापश्यत्संयतस्तु तान् ॥ ततो नत्वोनसत्त्वं तं, ययुस्ते स्वस्वमास्पदम् ॥२३४॥ मुनिस्तु षष्ठतपसः, पारणे गोचरं गतः ॥ चीनकान्नमजातक-युक्तं सम्प्राप्य भुक्तवान् ॥२३५॥ भूयो भूयोऽपि षष्ठान्ते, पारणं सोऽतनोत्तथा ॥ ततो ववृधिरे तस्य, रोगा नीरादिवाङ्कुराः ॥२३६॥ कंडू: कुक्षिदृशोः पीडे, कास-श्वास-ज्वराऽरुचीः ॥ इति सप्तामयान् सेहे, सप्त वर्षशतानि सः ॥२३८॥ तस्यैवं सहमानस्य, सर्वानपि परीषहान् ॥ प्रकुर्वतस्तपस्तीवं, वार्त्तवार्तामकुर्वतः ॥२३८॥ मलामर्शशकृन्मूत्र-सर्वोषध्यः कफौषधिः ॥ संभिन्नश्रोतोऽभिधा चे-त्यभूवन् सप्त लब्धयः ॥२३९॥ [ युग्मम् ]
UTR-2
॥२७॥
१ सुखवार्ताम् ॥
