________________
CAR
कृतोपसर्गसहनं यथा-खामी प्रथमचतुर्मासके शूलपाणियक्षायतने स्थितः । सो पुण दुट्ठसहावो, वासं कस्स इन| देइ रयणीए । सो पुत्वभवे वसहो, आसी धणदेववणिअस्स ॥१॥ पंचसए सगडाणं, उत्तारेउं नईइ सो तुहो।। गामस्स बद्धमाण-स्स बाहिमोत्तुं गओ वणिओ ॥२॥ पाणीचारिनिमित्तं, दव्वं गामिलयाण दाऊणं । तेहि अ न किंचि दिन्नं, तहाइ छुहाइ सो मरिउं ॥३॥ जाओ असूलपाणी, रुट्ठो उवरिं च तस्स गामस्स । मारिं विउविऊणं, निवाइओ बहुजणो तेण ॥४॥ लोगेणं विण्णविओ, तब्बयणणं च देउलं काउं । तप्पडिमा कारविआ, जत्तं पूअं च कारिंति ॥५॥ तम्मारिअजणअट्ठी-निअरो दीसइ पए पए एत्थ । तो सो अट्ठिअगामु-त्तिलोअमज्झं|मि विक्खाओ ॥६॥ तस्सेव बोहणत्थं, भयवं पडिमाइ संठिओ रत्तिं । तस्साययणेसु चिअ, दटुं रुटो जिणस्सुवरि ॥ ७ ॥ उवसग्गिउमाढत्तो, संज्झाए कुणइ भूमिभेअकरं। अट्टहाससई, मणुअतिरिक्खाण नासणयं ॥८॥ तत्तो अहत्थिरूवं, पिसायरूवं च नागरूवं च । काउं उवसग्गेइ, खुहइ मणागंपि नो भयवं ॥९॥ सिरकन्ननासनहअ-त्थिदंतपिट्ठीसु वेअणं कुणइ । इकिक्का जा जीविअ-हरणे अन्नस्स सुसमत्था ॥ १० ॥ तहा वि सामी नो मणागं पि सुहज्झाणाओ खुहिओ, पच्छा सो पडिबुद्धो सामिणो खामेइ खमह भट्टारग त्ति । ताहे सिद्धत्थो उद्घाइतो भणति-"हं हो! सूलपाणि !! अपत्थिअपत्थिआ! ण याणसि सिद्धत्थरायपुत्तं भगवतं तित्थगरं, जइ एवं सक्को जाणति तो तं निविसयं करेति । ताहे सो भीतो दुगुणं खामेति, सिद्धत्थो से धम्मं कहेति । तत्थ उवसंतो महिमं करेति सामिस्स । तत्थ लोगो चिंतेति ‘सो तं देवजयं मारेत्ता इयाणिं कीलति' तत्थ सामी देसूणे
