________________
रायगिहस्स नगरस्स बहिया मोग्गरपाणी जक्खो। अजुणयस्स कुलदेवया तस्संतियाऽऽरामस्स पंथे चेव । अन्नया खंदसिरी भत्तं भत्तारस्स दाउं गया। अग्गाई कुसुमाइं घेत्तुं घरं गच्छइ । मोग्गरपाणिघरे ठिएहिं दुल्ललियगोट्ठिसंतिएहिं छहिं जणेहिं दिट्ठा । ते भणंति-एसा अजुणस्स भज्जा पडिरूवा, गेण्हामो णं । तेहिं सा गहिया । छ वि जणा तस्स जक्खस्स पुरओ मुंजति । सो वि मालागारो निश्चमेव अग्गेहिं वरेहिं पुप्फेहिं जक्खमच्चेइ । तद्दिवसं च अञ्चेउकामो तत्थ | आगच्छइ । वाए भणियं-एसो मालागारो आगच्छइ तो तुन्भे ममं किं विसज्जिहह ? । तेहिं नायं-एयाए इमं पियं । तेहिं
भणियं-मालागारं बंधामो। तेहिं सो बद्धो । अवहोडएण जक्खस्सेव पुरओ बंधेऊण पुरओ चेव से भारियं मुंजंति। सा |य तस्स भत्तारस्स मोहुप्पाययाई इत्थिसद्दाई करेइ । पच्छा सो मालागारो चिंतेइ-एयमहं जक्खं निश्चमेव अग्गेहिं बरेहिं पुप्फेहिं अधेमि तहा वि अहमेयस्स पुरओ एवं कीरामि, जइ इत्थ जक्खो कोइ हुँतो तो अहं एवं न कीरतो बंधिऊण । सुपञ्चयं एयं–णत्थि इत्थ कोइ जक्खो। ताहे सो जक्खो अणुकंपंतो मालागारस्स सरीरमणुपविट्ठो। तओ सो तडतडस्स बंधे छेत्तूण लोहमयं पलसहस्सनिप्पन्नं मोग्गरं गहाय अन्नाइट्ठो समाणोते छ वि इत्थिसत्तमे पुरिसे घाएइ । एवं | | दिणे दिणे छ इत्थिसत्तमे पुरिसे घाएमाणो विहरइ ।जणवओ वि रायगिहाओ ताव न निग्गच्छइ जाव सत्त न घाइया ।
तेणं कालेणं तेणं समएणं समणे भगवं महावीरे समोसरिए । न कोइ भएण वंदणवडियाए निग्गच्छइ । सुदंसणो | सेट्ठी भयवओ गरुयभत्तिराएण 'जं होइ तं होउ' त्ति पत्थिओ वंदणत्थं । दिट्ठो अजुणगेण । धाविओ उग्गामियमोग्गरो। सुदंसणो वि-'अरहंता सिद्धा साहू केवलिपन्नत्तो धम्मो य मे सरणं, भुवणगुरुमहावीरो य गइ' त्ति भणिऊण-"जइ मे
हुज़ पमाओ, इमस्स देहस्सिमाए वेलाए । आहारमुवहिदेहं, सवं तिविहेण वोसिरियं ॥ १॥" ति काऊण सागारमण-la Xसणं ठिओ पंचनमोकारं चिंतितो काउसग्गं । न तरइ अचमिउं । परिपेरंतेहिं भमिचा परिस्संतो अजुणओ सुदंसण
