________________
श्रीउत्तराध्ययनसूत्रे
श्रीनैमिचन्द्रीयवृत्तिः
॥ २८ ॥
XCXCXXXCXX
| पदिन्नो । सगडालो चिंतइ - निट्ठिओ रायकोसो त्ति । नंदं भणइ - भट्टारगा ! किं एयस्स तुब्भे देह ? | तुमे पसंसिड त्ति । भणइ — अहं पसंसामि लोइयकच्चाणि अविणट्ठाणि पढइ । राया भणइ — कहं लोइयकवाणि ? । सगडालो भाइ-मम धूयाओ जक्खी - जक्खं दिन्ना-भूया -भूर्यदिन्ना - सेणा-वेणी-रेणाभिहाणाओ सत्त वि पढंति, किमंग पुण अन्नो लोगो ? । तासि च पढमा एक्कासं सुयं गिण्हइ, बीया दोहिं, तइया तीहिं, जाव सत्तमा सत्तहिं वाराहिं । ताओ अन्नम्म दिणे राइणा आणावियाओ अंतेउरं ठवियाओ जवणियंतरियाओ । आगओ वररुई । पढियाणि चाडूणि । पच्छा जक्खाए राइणो आएसेण पढियाणि । बीयाए दोन्नि वारा सुयाणि, तइयाए तिन्नि वारा, पढियाणि य । एवं सत्तहिं वि । राइणा पत्तीयं । वररुइस्स दाणं वारियं । इयरो वि तमेव दीणारट्ठसयपोट्टलियं जंतं विउब्विय गंगामज्झे ठवेइ - किल कणगमयहत्थेण गंगा पयच्छइ । एवंविहेण विहाणेण पयडेइ अट्ठसयं । जाव लोगो तं तारिसं पेच्छिय आउट्टो । 'गंगा वि से देइ' त्ति सुया य राइणा वत्ता । कहियं मंतिणो । 'जंतपओगेण जणमज्झे अलियपसिद्धिं करेइ' त्ति नाऊण भ्रणियं संतिणा -- जइ अम्ह पञ्चक्खं देइ तो पत्तियामो । तओ संझाए पेसिओ पञ्चइगो पुरिसो पच्छन्नं मंतिणा गंगं । वररुइणा वि गंगं थुणिऊण दिसावलोगं काऊण ठविया जंते पोट्टलिया । गओ सट्ठाणं । इयरेण वि अवहरिऊण समप्पिया मंतिस्स । पभाए मंतिसहिओ सपुरजणवओ गओ गंगं राया । वररुइणा वि संथुया गंगा, आहयं हत्थेहिं पाएहिं य जंतं, न किंचि लहइ, विलक्खीभूओ रायपुरओ 'दंभगो त्ति निव्भत्थिओ राइणा । दंसिया मंतिणा पोट्टलिगा । कहिओ संझावइयरो | हीलिओ लोगेहिं । पओसमावन्नो मंतिस्स वररुई छिड्डाणि मग्गइ । पुणरवि ओलग्गिउमारद्धो नंदं कहेइ छिड्डाणि । न पडिवज्जए राया । अन्नया सिरियस्स वीवाहे रन्नो आओगो सज्जिज्जइ । वररुइणा तस्स दासी ओलग्गिया । तीए कहियं - रन्नो भत्तं सज्जिज्जइ आओगो य । ताहे तेण चिंतियं - एयं छिड्डुं । डिंभरूवाणि मोयगे
FOXCXXXCXX
द्वितीयं
परीषहा
ध्ययनम् ।
॥ २८ ॥
