________________
XXOXOXOXOXOXXXXXXX
पवइयगाणं उवाहणकरगबंभसुत्तछत्तगाईणि भवंति ? । ताहे सो जाणइ-एयाणि ममं पडिचोइंति ता छडेमि । ताहे पुत्तं भणइ-अलाहि पुत्तगा! छत्तेण । ताहे ते भणंति-अलाहि, जाहे उण्हं होहिइ ताहे कप्पो उवरिं करिहि त्ति ।। एवं ताणि 'मोत्तुं करइल्लं' तत्थ से पुत्तो भणइ-मत्तएण चेव सन्नाभूमि गम्मइ । एवं जन्नोवइयं पि मुयइ ताहे आयरिया भणंति-को वा अम्हे न याणइ जहा बंभणा ? । एवं तेण ताणि मुक्काणि । पच्छा ताणि पुणो भणंति-सवे |वंदामो मोत्तूण कडिपट्टइल्लं । ताहे सो रुट्ठो भणइ–सह अजयपज्जएहिं मा वंदेह, अन्ने बंदिहिंति ममं, एयं कडिपट्टयं न छड्डेमि । अन्नया तत्थ साहू भत्तं पञ्चक्खाइत्ता कालगओ ताहे तस्स निमित्तं कडिपट्टयवोसिरणट्ठयाए आयरिया भणंति-एयं महाफलं भवइ जो साहुं वहइ । तत्थ य पढमपवइया सन्निया-तुब्भे भणेजाह, अम्हे एयं वहामो । एवं ते | उवट्ठिया । तत्थाऽऽयरिया भणंति-अम्हं सयणवग्गो मा निजरं पावउ, जं तुब्भे चेव सबे भणह, अम्हे चेव वहामो। ताहे सो थेरो भणइ-किं पुत्ता! एत्थ बहुतरिया निजरा? । आयरिया भणंति-बाढं, किमेत्थ भणियचं ? । ताहे सो भणइ-तो खाइं अहं पि वहामि । आयरिया भणंति—एत्थ उवसग्गा उप्पजंति, चेडरूवाणि लग्गति, जइ तरसि अहियासेउं तो वहाहि, अह नाहियासेसि ताहे अम्हं न सुंदरं भवइ । एवं सो थिरो कओ । ताहे सो उक्खित्तो । साहू पुरओ वचंति, पच्छओ संजईओ ठियाओ । ताहे खुड्डएहिं भणियपुवेहिं कडिपट्टओ तस्स कड़िओ। सो तं मयगं लज्जाए मोत्तुमारद्धो, ताहे अन्नेहिं भणिओ-मा मोच्चिहिसि । तत्थ से अन्नण कडिपट्टओ काऊण पुरओ दोरेण बद्धो । ताहे सो लजिओ तं वहति-मग्गओ मं पेच्छंति सुण्हाओ । एवं तेण वि 'उवसग्गो उहिउ' त्ति काऊण वढं । पच्छा आगओ तहेव । ताहे आयरिया भणंति-किं अज्ज खंता ! इमं?। ताहे सो भणइ-सो एस अज पुत्त! उवसग्गो उढिओ।
पुनः इत्यर्थसूचकः।
उ०अ०५
