________________
पार्श्वनाथचरित्रम् ।
ओहिणा विनायवइयरो निराणंदो विमणो असुपुन्ननयणो सोगाऊरियहियओ समागओ सक्को, जिणसरीरयं तिपयाहिणीकाऊण नचासन्ने नाइदूरे पजुवासंतो चिट्ठइ, वयइ य-पसरइ मिच्छत्ततम, गजंति कुतित्थिकोसिया अज्ज । दुभिक्खडमरवेराइनिसियरा हुँति सप्पसरा ॥ १॥ अत्थमिए जयसूरे, मउलेइ तुमम्मि संघकमलवणं । उल्लसइ कुमयतारानियरो वि हु अज जिणपास! ॥ २॥ तमगसियससिं व नहं, विज्झायपईवयं व निसि भवणं । भरहमिणं गयसोहं, जायमणाहं व पहु ! अज्ज ॥ ३ ॥ एवं सबसुरक्रा वि सक्को वि गोसीसचंदणदारूहिं तिन्नि चियाओ करेइ, खीरोयजलेण भयवओ देहं ण्हावेत्ता गोसीसचंदणेणाऽणुलिंपित्ता हंसलक्खणं पडसाडयं च निवसित्ता सवालंकारियं करेइ । सेसदेवा दोहि सीयाहिं गणहरा-ऽणगारसरीराइं आरोविय दोसु चियासु ठवेंति । सक्काएसेण अग्गिकुमारा देवा चियगासु अग्गि विउविंति, वाउकुमारा य वाउं, सेसदेवा कालागरुमाइपवरधूयं घयं महुं च कुंभग्गसो पक्खिवंति । झामिएसु य मंसाईसु मेहकुमारा देवा खीरोयजलेण निववंति चियाओ । सक्को उवरिमं दाहिणं हणुयं, ईसाणो वाम, चमरो हिडिल्लं दाहिणं, बली वामं, सेसा अंगोवंगाइं गेण्हति । चियगासु य महंते थूभे कुणंति । निवाणमहिमं च काऊण सक्को नंदीसरे गंतूण पुरथिमअंजणगपवए जिणाययणमहिमं करेइ । तस्सेव चउरो लोगपाला तस्सेव अंजणगपवयस्स पासवत्तिसु चउसु दहिमहनगेसु सिद्धाययणमहिमं कुणंति । ईसाणो उत्तरिल्ले अंजणगे, चमरो दाहिणिल्ले, बली पच्छिमिल्ले, तेसिं लोगपाला तहेव जिणमहिमं कुणंति । सक्को सविमाणं गंतूण सुहम्मसभामज्झट्ठियमाणवगखंभाओ ओयारिऊण वट्टसमुग्गयं सीहासणे निवेसित्ता जिणसकहाउ पूएइ । पासजिणहणुं पि तत्थेव पक्खिवइ । एवं सबदेवा वि । पंचसु वि कल्लाणगेसु विसाहानक्खत्तं भयवओ आसि त्ति ॥ एवं प्रसङ्गतः पार्श्वचरितमभिधाय प्रकृतसूत्रं व्याख्यायते
तस्स लोगप्पदीवस्स, आसि सीसे महायसे । केसीकुमारसमणे, विजाचरणपारगे ।। २॥
उ०अ०५०
