________________
XCXCXCXXXXXXXXX0
वहिओ गयरूवेहिं, सरोसकयदंतपहरेहिं ॥ १ ॥ करगहियकत्तिएहिं, खुहियकयंतो व घोररूवेहिं । वेयालेहि य भयवं, कयत्थिओ गरुयदसणेहिं ॥ २ ॥ एमाइबहुविहीयं, कमढेणुवसग्गिओ वि पावेणं । पासजिणो धीरमणो, नो खुहिओ धम्मझाणाओ || ३ ||" 'अचलियभावं च नाऊणं जलेणं बोलेत्ता मारेमि' त्ति संपहारिय पारद्धा तेण विज्जुगज्जियपवणुब्भडा महावुट्ठी । तीए जलेण ताव बोलिओ भयवं जाव नासियाविवरं । एत्थंतरे चलियं धरणिंदस्स आसणं, उत्तोवहिणा य मुणिओ भयवओ वइयरो, समागंतूण तुरियं सामिणो सीसोवरिरइयफणिफणामंडवेण सेससरीरपासेसु य विरइयफणिसरीरेण निवारिओ जलपूरो, पारद्धं च पुरओ बहुविहाऽऽउज्ज - वेणु - वीणा - गीयनिनाएहिं घणनिग्घोसो - वायगं पवरप्पेक्खणयं । दद्दृण य तं तारिसं महाइसयं धीरतं च भयवओ गरुयविम्यक्खित्तमाणसो समुवसंतदप्पो सो असुरो पणमिऊण खामिऊण य जिणं गओ नियद्वाणं । धरणिंदो वि निरुवसग्गं नाऊण थोऊण गओ सट्ठाणं । पाससामिस्स वि निक्खमणदिणाओ चउरासीदिवसोवरि चेत्तकिण्हचउत्थीए अट्ठमभत्तंते पुण्हे आसमपए असोगतरुहेट्ठे सिलापट्टए सुहनिसन्नस्स सुहज्झवसाणस्स अपुखकरणाइकमेण समाणियखवगसेढिस्स खीणघाइकम्मचक्कस्स सयललोयालोयावभासयं समुप्पन्नं केवलन्नाणं । चलियासणा समागया सुरसंघाया । वाउकुमारेहिं परिसोहिए जोयणमित् खेत्ते, आसित्ते य गंधवारिणा मेघकुमारेहिं, मणिरयणचित्ते तम्मि विरइयं सुरेहिं समोसरणं । तम्मज्झे सीहासणोव विट्ठो पुरत्थाभिमुद्दो सामी रयय - कणय - रयणपागारवलयत्तियनिद्देणं नाणदंसणचरणेहिं व ससिकिरणुज्जलचामरजुयलच्छलेण धम्मसुक्कझाणेहिं व छत्तत्तयरूवेणं भुवणत्तयपसरियकित्तिपुंजेहिं व सेवाकोउगेण पडिवन्नमुत्तीहिं विरायमाणो सदेवमणुयासुराए परिसाए जोयणनीहारिणा सरेण धम्मं कहेइ – “भो भवा ! चउगइओ, संसारो एस घोरदुहपउरो । सरणं न एत्थ अन्नं, धम्मं जिणदेसियं मोतुं ॥ १ ॥ हिंसाइविरइरूवं, तो तं मणवयणकायसुपत्तं । इंदियकसायनिग्गहपवरं
पार्श्वनाथचरित्रम् |
