________________
मालविडं । सा वि कामनिरोहमसहमाणी पासियचीवरे रंगो व संपलग्गा तेण समं । तं च तारिसमणायारं पवट्टमाणं नाऊणं ईसावसविणडियाए वरुणाए साहितं मरुभूईस्स । सो वि तीए पडिउत्तरमकाउं 'गामंतरं गमिस्सामि' त्ति ताण पुरतो वोत्तूण निग्गतो नियमंदिराओ । ततो पतोससमयम्मि हाहाभूयकप्पडियरूवं काऊण सरभेएणं कमठं भणइमम निराहारस्स सीयपरिताणत्थं किंचि निवायट्ठाणं देहि । कमठेण वि अविण्णायपरमत्थेणं दयाए भणियं – कप्पडियभट्ट ! इह चउरए सच्छंद निवससु । ततो तत्थ द्वितो मरुभूई दद्दूण तेसिं सङ्घमणायारमसहमाणो वि लोयाववायभीरुतणतो अकयपडियारो चैव निग्गंतुमागतो पभाए, ततो गंतुं साहियं जहावट्ठियं राइणो । रण्णा वि कुविएणं समाइट्ठा नियपुरिसा । तेहिं वि वज्जंतविरसडिंडिमो गलोल्लइयसरावमालो रासहारूढो काऊण फेरितो सवत्थ 'अकज्जकारि ' त्ति लोयसमक्खमुग्घोसणाए कमठो निवासितो नयराओ । ततो सो तहाविडंबितो संजायामरिसो वि समुप्पन्नगरुयवेरग्गो गहियपरिवायगलिंगो समाढत्तो दुक्करं तवं चरिउं । तं च नाउं समुप्पन्नपच्छायावो मरुभूई खामणानिमित्तं गतो कमठसमीवं, निवडतो तस्स चलणे । तेण वि सुमरियपुत्र विडंबणावेराणुबंधेणं पायवडियस्सेव मरुभूइणो मुद्धाणोवरि विमुक्का समासन्नदेसट्ठिया घेत्तूण महासिला । ततो मरुभूई तीए पहारेण आरडतो कालं काऊण बहुजूहाहिबई समुप्पन्नो विंज्झम्मि महाकरी । इतो य अरविंदराया कयाइ सरयकाले संतेउरो पासातोवरि संठितो कीलंतो सरयब्भं सुसणिद्धं पच्छाइयनहयलं मणोहरं समुण्णयं पुणो तक्खणमेव वाउणा पडियं दृट्ठूण तद्देव खणभंगुरसन्वभावभावियस्सरूवो समुप्पन्नोहि| नाणो वारिजंतो वि परियणेणं दिन्ननियपुत्तरज्जो पवइतो । अन्नया य सो विहरंतो पयट्टो सागरदत्तसत्थवाहेण सह सम्मेयसेलवंदणत्थं । पुच्छितो य पणमिऊणं सायरदत्तेणं - भयवं ! कहिं गमिस्सह ? । मुणिणा भणियं - तित्थजत्ताए । सत्थवाहो भइ – केरिसो उण तुम्ह धम्मो ? । मुणिणा कहितो तस्स दया- दाण-विणयमूलो सवित्थरो धम्मो । तं च
पार्श्वनाथचरित्रम् |
