________________
कहमण्हातो जेमेसि ? । तेण भणियं —तुमं ण्हाय ? ति । इयरीए भणियं मा एवं करेहि, न एस धम्मो सयाणं । बला य भुत्तो एसो । इतो य 'भुक्खितो' त्ति भक्खणनिमित्तं फूंमिया तिला नडेण, 'सप्पो' त्ति पलाणो ससरक्खो, 'अवसरो' त्ति पिट्ठतो नडो । दिट्ठा निम्गच्छमाणा मयहरपुत्तेण, 'किमेयं ?' ति पुच्छिया घरिणी । सनिवेयं जंपियमिमीए – भणिओ मए, तुमं मा एवं करेहि, न एस धम्मो सयाणं ति, वसंतं तुह घरे एवं उमा-महेसरं अज्ज अण्हाणभोयणधम्मभंगेण निग्गयं । 'हा ! दुहु कयं' विसन्नो मयहरउत्तो । भणियं चाणेण — कोऽवेत्थुवाओ ? । तीए भणियं -नाएण दवमज्जिणिय सविडीए पूयं करेहि, ततो पविसइ एयं ति । गतो मयहरउत्तो दसन्नविसए । लग्गो वाडकम्मे । निष्पत्तीए विढत्ता दस गद्दियाणगा । 'अप्प' त्ति न तुट्ठो चित्तेण, तह वि पयट्टो नियदेसं, अडवीए पिप्पलमूले वीसमइ । इत्थंतरे अवहरितो आसेण समागतो तमुद्देसं दसन्नभद्दो राया, दिट्ठो मयहरपुत्त्रेण, दंसियमुदगं, उप्पल्लाणितो आसो, विस्सामितो राया, थेववेलाए समागओ परियणो । ततो 'उवगारि' त्ति पुच्छितो मयहरउत्तो रन्ना — को तुमं ? किं वा ते कीरउ ? । जहट्ठियमेव साहियं मयहरउत्तेण भणितो य राया-ता सबिडीए पूआसंपायणत्थं करेउ किंचि देवो त्ति । राइणा चिंतियं'उज्जुगो वरागो घत्तितो महिलाए, ता इममेत्थ पत्तयालं नेमि पट्टगं ततो जहाजुत्तमणुचिट्ठिस्सामि' त्ति नीतो सनयरं, | संपाडियं भोइणाइयं, चिंतियं च राइणा – अहो ! से ववसाओ, असंतगं पि विढविय सबिडीए पूयं संपाडेइ | धम्मपुरिसो खु एसो ता किं इमस्स कीरउ ? । इत्थंतरे निवेइयं राइणो पउत्तिकहगेहिं-जहा देव! भगवं महावीरो समागओ । परितुट्ठो राया, वंदितो तत्थेव भावेण, दिन्नं पारितोसियं, चिंतियं चाणेण - जइ नाम एस मयहरपुत्तो विसिद्धविवेयरहिओ वि नियदेवयाण सविडिपूयासंपायणत्थमेवं परिकिलिस्सइ, ता अम्हारिसेहिं सारासारविभागवियाएहिं समग्गसामग्गिएहिं तिहुयणचिंतामणिस्स समणस्स भगवतो महावीरस्स विसेसेण सधिडिपूया काउं जुज्जइत्ति,
दशार्णभद्र
राजस्य वक्तव्यता !
