________________
महापद्मचक्रिणो वक्तव्यता।
रज्जे । राया वि अंतेउरं पविसिय ठितो। तओ नमुई नगराओ निग्गच्छिय जागकम्मनिमित्तं जन्नवाडमागम्म दिक्खितो जातो कवडेण । तस्स य रजे अहिसित्तस्स सबाओ पयईतो बंभणजाईतो य सेयभिक्खुवज्जियाओ वद्धावणयत्थमागयातो। ततो नमुइणा 'सत्वे लोगा लिंगिणो य वद्धावया समागया न उण सेवडय' त्ति वोत्तुं पयासित्ता य तमेव छिदं सद्दाविया सुबयायरिया, भणिया य ते नमुइणा-'जो जया रजं पावइ खत्तिओ बंभणो वा सो पासंडिएहिं आगंतुं दट्ठवो' त्ति लोगट्टिई, जम्हा रायरक्खियाई तबोवणाई हवंति, तुम्हे पुण थद्धा सबपासंडदूसगा निम्मज्जाया ममं च निंदह अतो मईयं रजं मोत्तण अन्नत्थ जहासुहं विहरह, जो य तुम्ह मज्झे नयरे भमंतो दीसिहिइ स मे वज्झो होही। “गुरुणा सो संलत्तो, न अम्हं कप्पो त्ति तेण नोम्मत्ता। न य निंदामो किं पि वि, समभावा हुंति जं मुणिणो ॥१॥ तो सो रुट्ठो पभणइ, जइ समणं सत्तदिणुवरि पेच्छं। तो बंधवं पि तमहं, माराविस्सं न संदेहो ॥२॥" सोउंचेवमागया उजाणं, साहवो पुच्छिया य सूरिणा-किमेत्थ काय ? । ततो भणियमेक्केण-जहा सहिवाससयासेवियतवोविसेसो संपयं गंगामंदिरपबए चिट्ठइ विण्हुकुमारो महामुणी, सो य महापउमभाय त्ति उवसमिस्सइ. तबयणातो नमुई, जो य विजालद्धिसंपन्नो साहू सो X वच्चउ तस्साणयणत्यं । ततो भणियमेक्केण साहुणा-गगणेणाहं गंतुं समत्थो परमागंतुं ण सक्केमि । गुरुणा भणियं--
विण्हुकुमारो चिय आणेस्सइ । 'एवं' ति पडिवज्जिऊण उप्पइओ आगासं, खणमेत्तेण य पत्तो । तं च दद्दूण चिंतियं विण्हुकुमारेण-अवो! किंचि गुरुयं संघकजं, तेणेस वासारत्तम्मि आगओ । ततो पणमिऊण विण्हुसाहुं सिहमागमणपओयणं । थेववेलाए तं घेत्तूण साहुं पयट्टो आगासजाणेण मुणी पत्तो गयपुरे। वंदिया मुणिणो । ततो साहुसमेओ गतो विण्हुसाहू नमुइसणत्थं । तं च मोत्तूण वंदितो सवेहिं पि सो महानरिंदाईहिं । सुहासणत्थेण य धम्मकहणाइपुवयं भणियं विण्हणा-वासारत्तं जाव चिटुंतु मुणिणो । मंतिणाभणियं-किमेत्थ पुणरुत्तोवन्नासेण ? पंचदिवसा चिटुंतु ।
