________________
CXCXCXXX
परिक्खिव मंसं । तह तह य होइ सउणो, गरुययरो देवमायाए ॥१॥ दहूण तयं राया, हाहारवमुहलपरियणसमक्खं । आरुहइ सयं चिय वरतुलाए नियजीयनिरवेक्खो ॥२॥ इय तुलियदेवमायं, रायं दृट्टूण विहितो देवो । दंसेइ नियं रूवं, मणिकुंडल|भूसियसरीरं ||३|| अणुसासिऊण रायं, देवो तह संसिऊण नियभावं । हरिसाऊरियहियतो, विम्हियमणसो गतो सहसा ॥४॥ अन्नया य वज्जाउह सहस्साउहा पियापुत्ता खेमंकर तित्थयरगणहरसमीवे जायवेरग्गा सहसाउहसुयं बलिं रज्जे अहिसिंचिऊण पवइया । पवज्जापरियागं परिवालिऊण पायवोवगमणविहिणा काऊण अणसणं ईसिप भारसिहरम्मि दो वि - जणा उवरिमउवरिमगेवेज्जे एगत्तीससागरोवमट्ठिइया अहर्मिंदा देवा जाया । तो तं अहमिंदसोक्खमणुहविऊण चुया | समाणा इहेव जंबुद्दीवे दीवे पुवविदेहे पुक्खलावईविजए पुंडरिगिणीए नयरीए घणरहो नाम राया, तस्स दुवे महादेवीओ परमावई मणोरममई य, तासिं गब्भे जाया वज्जाउहो मेहरहो, सहस्सा उहो दढरहो ति । वड्डिया देद्देणं, कयं कलागहणं । मेहरह- दढरहाण य पुवभवब्भासतो परिणओ जिणदेसितो धम्मो, जाया अहिगयजीवाइपयत्था सुसावगा । अन्नया य पिउतित्थयरसमीवे दो वि जणा नियपुत्तं रज्जे अहिसिंचिऊण दाऊण य उरं परीसहाणं पवइया । तत्थ मेहरहेणं अहिज्जियसुत्तत्येणं वीसाए अन्नयरएहिं ठाणेहिं समज्जियं तित्थयरनामगोत्तं कम्मं । ततो संलेहणा| संलिहियदेहा विहिणा कालं काऊण अणुत्तरोववाइएसु देवेसु उववन्ना । तत्थ य अणुहविऊण सुरलोयसुहं मेहरहकुमारो चइऊण सबट्ठविमाणातो इहेव जंबुद्दीवे दीवे भारहे वासे हत्थिणाउरे नयरे वीससेणस्स राइणो अइरादेवीए कुच्छिसि भद्दवयकिण्ड्सत्तमीए चउद्दसमहासुमिणसूइतो पुत्तत्ताए उबवन्नो । नवमासे साहिए उयरे धरिऊण तियसिंदनमंसियं तिहिं नाणेहिं समग्गं भयवंतं तित्थयरं जेट्टकिण्हतेरसीए अद्धरत्ते सुहंसुहेण पसूया देवी । कयं छप्पन्नदिसाकुमारीहिं जायकम्मं । अवि य - अहलोग - उडलोगा, पुबाईरुयगवासिणीतो य । अट्ठऽट्ठ विदिसिमज्झिमरुयगातो ऐति
श्रीशान्तिनाथचक्रिणो
वक्तव्यता !
