________________
| श्रीशान्तिनाथचक्रिणो वक्तव्यता।
जतो सच्चभामा सुतारा समुप्पन्ना । सो य कविलो तिरिएसु आहिंडिय तहाविहं किंचि का ऊणमणुट्ठाणं असणिघोसो समुप्पन्नो । तओ सुतारं च सच्चभामामाहणीजीवं पासिऊण पुवसिणेहेणं अवहरिऊण गतो त्ति । पुणो वि अमिअण्ण पुच्छियं-भयवं! किमहं भवितो न व? त्ति । केवलिणा भणियं-भवितो तुमं, इओ य नवमे भवे तित्थयरो भविस्ससि, एसो वि सिरिविजतो तुह पढमगणहरो भविस्सइ त्ति । ततो एयमायनिय अमियतेय-सिरिविजया हरिसाऊरियसरीरा वंदिऊण भयवंतं गया नियनियनयरं भुंजंति भोए। अन्नया य दोहिं वि जणेहिं उज्जाणगएहिं विउलमइ-महामइणो चारणसमणा दिट्ठा । तयंतिए धम्म सोऊण आउयं परिपुच्छियं । चारणसमणेहिं ओहिणा आभोएऊण साहियंजहा छवीसइं दियहे आउयं ति । ततो तेहिं समागंतूण कया अट्ठाहिया महिमा । अप्पप्पणो पुत्तेसु रज्जधुरं संकामेऊण अभिनंदण-जगनंदणसमीवे पातोवगमणविहिणा कालं काऊण पाणए कप्पे वीससागरोवमाऊ देवत्तेण उववन्ना। तत्थ य अणुहविऊण रइसागरावगाढा सवाउयं इहेव जंबुद्दीवे दीवे पुवविदेहे रमणिज्जे विजए सीयाए महानईए दाहिणकूले सुभगाए नयरीए थिमियसागरस्स राइणो वसुंधरी-अणंगसुंदरीणं महादेवीणं गब्भे कमेण कुमारत्तणेण समुववन्ना । अमियतेतो अपराजितो सिरिविजतो अणंतविरितो। तत्थ वि दमियारी विज्जाहरं पडिसत्तुं वावाइऊण कमेण बलदेव-वासुदेवत्तं पत्ता । तेसिं च पिया पवजाविहाणेण मरिऊण असुरत्तणेण चमरो समुप्पन्नो। अणंतविरितो य आउयमणुपालिऊण निबद्धनिरयाउतो कालं काऊण गतो पढमपुढविं। बायालीसं वाससहस्सा ठिती। तत्थ वि तिवातो |वेयणाओ सहइ । तस्स य पुत्तसिणेहेण चमरो गंतूण वेयणोवसमं करइ । सो संविग्गो सम्म अहियासेइ। अपराजितो य बलदेवो भाउयविओए दुक्खिओ निक्खित्तपुत्तरजभरो जयहरगणहरसमीवे निक्खंतो, गमिऊण पञ्चज्जाविहाणेण आउयं अचुए इंदत्तणेण उववन्नो । इतो य अणंतविरितो उचट्टिऊण नरगातो वेयड़े विजाहरत्तणेण उववन्नो । तत्थ
