________________
0X8X8
सरूवो य दरिसे से करंडियाओ कडेउं । हारं पलो इंतेण य कुमारेण तदेगदेसावलंबिओ दिट्ठो बंभदत्तनामंकिओ लेहो, पुच्छियं च वयंस! कस्सेसो लेहो ? । वरधणू भणइ - को जाणइ ? बहवे बंभदत्तनामगा पुरिसा संति किमत्थ चोलं ? | ततो अवहेरीपरे कुमारे वरघणुणा एगंते नेऊण विहाडिओ लेहो । दिट्ठा य तम्मज्झम्मि इमा गाहा - 'पत्थिज्जइ जइ विजए, जंणेण संजोयजणियजत्तेणं । तह वि तुमं चिय धणियं, रयणवई मणइ माणेउं ॥ १ ॥' चिंतंतस्स य 'कहमवगच्छिस्समिमीए भावत्थं ?' ति वरधणुणो बीयदिणे आगया एगा पवाइया । सा य पक्खिविऊणक्खय कुसुमाणि कुमारोत्तमंगे 'पुत्तय! वाससहस्साऊ भवसु' ति भणंती वरधणुमेगंते नेइ मंतिऊण य तेण समं किं पि पडिगया । तओ पुच्छिओ कुमारेण वरधणू - किमेसा जंपइ ? । भणइ – एयाए इमं संलत्तं, जो सो तुम्हाणं बुद्धिलेण करंडम्मि हारो पेसिओ तेण समं जो लेहो समागओ तस्स पडिलेहं समप्पेह । मया भणियं — एसो बंभदत्तरायनामंकिओ दीसइ, ता साहह को एसो बंभदसो ? । तीए भणियं सुम्मउ, किंतु न तए कस्स वि साहियवं ।
अथ इव नए सेद्विधूया रयणवई नाम कन्नगा । सा य बालभावाओ चैव अईव मम नेहाणुरत्ता जोवणमणुप्पत्ता, दिट्ठा य मए अन्नदिणम्मि सा किंचि ज्झायमाणी । तओ हं गया तीए सभीवं, भणिया य मया-पुत्ति रयणवइ ! किं चिंतेसि ? । परियणेण भणियं - बहूणि दिवसाणि एवमेईए दुम्मणाए । तओ पुणो पुणो पुच्छिया वि मए जाव न किंचि जंपइ ताव भणियं तस्सहीए पियंगुलइयाए – भयवइ ! एसा लज्जती न किं पि तुह साहिउं सक्कर, ता अहं कमि - इओ यगयम्मि कम्मि वि दिणे कीडत्थमुज्जाणे गयाए एयाए भाउगस्स बुद्धिलसेट्ठिणो लक्खपणेणं जुज्झाविंतस्स कह वि तप्पएसाऽऽगओ दिट्ठो अपुझो को वि वरकुमारो, तं च दट्ठूण एसा एरिसी जाया । तं च मए सोऊण लक्खिओ तीए मयणवियारो, भणिया य ससिणेहूं- पुत्ति ! साहसु सम्भावं । तओ कह कह वि सब्भावमुवगया
FOXCXCXCXCXXXCXXX
चित्र - सम्भूतवक्तव्यता ।
