________________
तं सुरंगाए निग्गंतूण दुबारदेसे गया । इओ य धणुमंतिणा पुछमेव दो पञ्चइयपुरिसा सुरंगादुवारे तुरंगमारूढा धरिया । ते य वरधणुस्स संकेयं मेलिय आसेसु य ते कुमारे आरोविय गया । कुमारा वि पयट्टा गंतुं, गया पन्नास जोयणमत्तं भूमिभागं । दीहद्वाणखेदेणं निवडिया तुरंगमा । पाएसु चैव गंतुं पवत्ता । पत्ता य कोट्ठाभिहाणं गामं । ततो कुमारेण वरधणू भणिओ - जहा छुहा बाहइ त्ति दढं परिसंतो म्हि । तं तत्थ संठवेऊण सो पविट्ठो गामं, मंडयं घेणागओ । मुंडावियं कुमारस्स सीसं, पहिराविओ कासायवत्थो, चउरंगुलप्पमाणपट्टयबंधेण सिरिवच्छालंकियं छाइयं वच्छत्थलं । वरधणुणा वि कओ वैसपरावत्तो । पविट्ठा गामब्भंतरं । ताव य एक्कदियवरमंदिराओ निग्गंतूण दासचेडएण भणिया ते — एह भुंजह त्ति । तओ गया तत्थ । रायाणुरूवपडिवत्तिजुत्तं भुंजाविया ते । तदवसाणे य एक्का पवरमहिला बंधुमइमुद्दिस्स कुमारउत्तिमंगे अक्खए पक्खिवाइ, भगइ य-एस इमाए कन्नगाए बरो ति । एयमायन्निऊण भणियं वरघणुणा — किमेयस्स मुक्खबडयस्स कए अप्पाणं खेएह । तओ घरसामिएण भणियं - सामि ! सुबड, पुबं
मित्तिएण साहियं अम्हं— जहा इमाए बालियाए जो पट्टाछाइयवच्छो समित्तो भुंजिही भोयणं सो भत्तारो होहिं त्ति । एवमादि भणिडं तम्मि दियहे काराविओ पाणिग्रहणं कुमारो त्ति । बीयदिणे भणिओ कुमारो वरधणुणा — दूरं गंतवं ति । तओ बंधुमईए सब्भावं कहिउं निग्गया । गच्छंता पत्ता दूरगामंतरं । तत्थ सलिलत्थी वरधणू पविट्ठो लहुमागंतूण | भाइ - 'जह दीहराइणा बंभदत्तस्स सबओ पंथा बंधाविय' त्ति जणवाओ एत्थ मए सुओ, ता कुमार ! नस्सामो । तओ पट्टा उम्मग्गेणं पत्ता महाडई । तओ कुमारं वडस्स हेट्ठा ठविडं तिसाभिभूयं गओ वरधणू जलट्ठा | ताव य दिणाबसाणे दिट्ठो वरधणू जमभडेहिं व दीहनिउत्तनरेहिं हम्ममाणो दूरदेसमागओ | कुमारस्स सन्ना कया । पलाणो बंभदत्तो, पडिओ य दुग्गमं कंतारं । तओ तण्हाछुहापरिस्समकिलंतो अइकमिऊण महाडई तइयदिणे पेच्छइ ताव
चित्र
सम्भूतवक्तव्यता ।
