________________
गौतमस्वामिवक्तव्यता।
कंचणा पंचसमिया तिगुत्ता अममा अमच्छरा जिइंदिया जियकसाया निम्मलबंभचेरा सज्झायज्झाणुजया दुचरतवचरणरया अंताहारा पंताहारा सुक्खा भुक्खा निम्मंससोणिया किसियंगा निरग्गिसरणा कुक्खिसंबला अनिययभिक्खावित्तिणो त्ति । तेसिं अब्भुट्ठाण-अंजलिपग्गह आसणदाणा-ऽमिग्गह-कियकम्म-सुस्सूसणा-ऽभिमुहगमणा-ऽणुगच्छण-पडिलाहण-कुसलमणकुसलवइपवत्तणाईहिं कायबा भत्ती। एत्थंतरे वेसमणो चिंतेह-एस भयवं एरिसे साहुगुणे बन्नेइ?, अप्पणो य से इमा सरीरसुकुमारया जारिसा देवाण वि नत्थि, ता अंताहारा पंताहारा इञ्चाइपरूवणाए विसंवाइणिं चेढ इमस्स सरीरागिई
सूएइ । तं च तस्साकूयं नाणेण नाऊण भयवं 'मा अणेण अकुसलपरिणामेण एस दुल्लहबोहिओ हवउ' त्ति अणुसासणनिमित्तं *सवसत्तहियरओ पुंडरियं नामऽज्झयणं परूवेइ-जहा पोक्खलावईविजए पुंडरिगिणी नयरी । नलिणीगुम्ममुजाणं ।।
तत्थ णं महापउमे नाम राया होत्था । पउमावई देवी । ताणं दो पुत्ता पुंडणए कंडरिए य सुकुमारा जाव पडिरूवा । पुंडरिए जुवराया वि होत्था । | तेणं कालेणं तेणं समएणं थेरा भगवंतो जाव नलिणिवणे उज्जाणे समोसढा, महापउमे निग्गए धम्म सोच्चा | भणइ-जं नवरं देवाणुप्पिया ! पुंडरियं कुमारं रज्जे ठवेमि ताव वयगणेणं सफलीकरेमि मणुयत्तणं । अहासुहं मा पडिबंध करेहि । एवं जाव पुंडरिए राया जाए जाव विहरइ, तते णं से कंडणए कुमारे जुवराया जाए। तते णं से पउमे राया पुंडरियं रायं आपुच्छइ । तते णं से पुंडरिए सिवियं नीणेइ । जाव पवइए णवरं चोदस पुवाई अहिजइ ।। |बहूहिं छह-ऽहममहातवोवहाणेहिं बहूणि वासाणि सामण्णमणुपालेऊण मासियाए संलेहणाए साह भत्ताई झोसेत्ता जाव सिद्धो । अन्नया ते थेरा पुवाणुपुरि जाव पुंडरिगिणीए समोसढा । परिसा निग्गया । तए णं से पुंडरिए कंडरिएणं जुवरना सद्धिं इमीसे कहाए लद्धढे समाणे जाव गए धम्मकहाए जाव से पुंडरिए सावगधम्म पडिवन्ने जाव पडिगए ।
