________________
लोएण य तस्स 'दोमुह' त्ति नामं कयं । अइकंतो कोइ कालो । तस्स य राइणो सत्त तणया जाया । 'दुहिया मे णत्थि 'ति गुणमाला अद्धितिं करेइ । मयणाभिहाणस्स जक्खस्स इच्छइ उवाइयं । अन्नया पारियायमंजरी उवलंभ सुविणयसूइया जाया तीसे दुहिया । कयं च वद्धावणयं, दिन्नं जक्खस्स ओवाइयं, कथं च तीए नामं मयणमंजरि ति । कमेण जाया जोवणत्था । इओ य उज्जेणीए चंडपज्जोओ राया । तस्स दूएण साहियं - जहा दुम्मुहो राया जाओ । पज्जोएण भणियं - कहूं ? । दूएण भणियं - तस्स एरिसो मउडो अत्थि तम्मि आरोविए दोमुहाणि हवंति । मउडस्सुवरि पज्जोयस्स लोभो जाओ । दूअं दुम्मुहराइणो पेसइ – एयं मउडरयणं मम पेसेहि, अह न पेससि तो जुज्झसज्जो होहि । दोमुहराइणा दूओ भणिओ पज्जोयसंतिओ – जइ मम जंमग्गियं देह तो अहमवि मउडं देमि । दूएण भणियं - किं मग्गह ? | राइणा भणियं - देह अनलगिरिहत्थी, अग्गिभीरू तहा रवरो य । जाया य सिवादेवी, लेहायरियलोहजंघोय ॥ १ ॥ एयं च पज्जोयस्स रज्जसारं । पडिगओ दूओ उज्जेणिं । साहियं पज्जोयस्स दोमुहसंतियं पडिवयणं । कुद्धो अईव पज्जोओ चलिओ चतुरंगबलेण । दोन्नि लक्खा मयगलाणं, दोन्नि सयसहस्सा रहाणं, पंचअजुयाणि ह्यागं, सत्त| कोडीओ पयाइजणाणं । अणवरयपयाणेहिं संपत्तो पंचालजणवयसंधि । इयरो वि दोमुहराया चउरंगबलसमग्गो नीहरिओ नयराओ । गओ पडिसम्मुहं पज्जोयस्त पंचाल विसयसंधीए । रइओ गरुडबूडो पज्जोएण, सायरबूहो दोमुहेण । तओ कमेण संपलग्गं दोण्ह वि बलाण जुज्झं । सो मउडरयणप्पभावेण अजेओ दोमुहराया। भग्गं पज्जोयस्स बलं । बंधिऊण पज्जोओ पवेसिओ नयरं । दिनं चलणे कडयं । सुहेण तत्थ पज्जोयराइणो वच्चइ कालो । अन्नया दिट्ठा तेण मयणमंजरी । जाओ गाढो अणुराओ । तओ कामग्गिणा डज्झमाणस्स चिंतासंतावगयस्स वोलीणा कह वि राई । पच्चूसे स गओ अत्थाणं । दिट्ठो परिमिलाणमुहसरीरो दोमुहराइणा, पुच्छिओ सरीरपउति । न देइ पडिवयणं । सासंकेण य गाढयरं
1
दुर्मुखचरित्रम् |
