________________
सा दूइत्थी, सिणेहसारे हि वयणेहिं ॥ १६२ ॥ कुसले ! पभणसु गंतुं, मा होसु समुस्सुया दिणे कइवि । पत्थावं लहि - | ऊणं, सवं सुत्थं करिस्सामि ।। १६३ ।। अन्नमि दिणे सहसा, करहारूढा समागया पुरिसा । भवणम्मि पविसमाणा, दिट्ठा कुमरेण हिमणा ॥ १६४ ॥ आलिंगिडं सहरिसं, अम्मापियरस्स कुसलपडिवत्ती । ससिणेहं परिपुट्ठा, पमुकघणअंसुनिवहेणं ॥ १६५ ॥ ता तेहि इमं भणियं, अम्मापियरस्स कुमर ! कुसलं ति । तहवि हु तुह विरहमहा- गण गहियाइँ चिट्ठति ॥ १६६ ॥ कइवइदिणाण मज्झे, जइ गंतूणं न दंसणं कुणसि । ता कुमर ! निच्छएणं, विमुक्कजीवाण | वञ्चिहिसि ॥ १६७ ॥ एवं निसामिऊणं सज्जावेऊण निययखंधारं । पत्तो रायसमीवे, जंपइ सो एरिसं वयणं ॥ १६८ ॥ तायस्स समीवाओ, उस्सुय करहारुहा दुवे पुरिसा । पहु ! मज्झ आणणत्थं, समागया कहसु जं जोग्गं ॥ १६९ ॥ वइणा तो भणियं वञ्चसु तं कुमर ! तायपासम्मि । नियपरिवारसमेओ, गंतूण पुणो नियत्तेसु ॥ १७० ॥ दाऊणमलंकारं, सम्माणेऊण महुरवयणेहिं । नियधूयाए समेओ, णरवइणा पेसिओ कुमरो ॥ १७१ ॥ काऊणं संजत्ति, दावावेडं पयाणयं सिबिरं । एगरहेणं कुमरो, सयं ठिओ नयरिमज्झम्मि ॥ १७२ ॥ जामिणिपढमे पहरे, दूईए संगमीइ पासम्मि । कुमरेण निययपुरिसो, पट्ठविओ जाणणट्ठाए ॥ १७३ ॥ गंतूण तेण भणियं, सिबिरं अम्हाण पवसि मग्गे । एगागी रायसुओ, चिट्ठह तुम्हाण कज्जेण ॥ १७४ ॥ ता सुंदरि ! गंतूणं, आणसु लहु मयणमंजरिं तत्थ । जेण समीहियकज्जं, संपज्जइ अज्ज तुम्हाणं ।। १७५ ॥ सुणिऊण तस्स वयणं, गंतूणं संगमी तुरियतुरियं । नियसामिणीइ साहइ, जं भणियं कुमरपुरिसेण ॥ १७६ ॥ आयन्निऊण सहसा, रहससमुच्छलियबहलरोमंचा । संचल्लिया खणेणं, सुसहिसहाया नियघराओ ।। १७७ ।। पत्ता कुमरसमीवं, आरूढा मयणमंजरी जाणे । आरुहसु सुयणु ! सिग्धं, इय भणिया रायतणएणं ॥ १७८ ॥ अह चोइऊण तुरए, रज्जुं गहिऊण वाम
