________________
भणइ-जहाणं देवाणुप्पियाणं बहवे समणा निग्गंथा भक्सिा छउमत्थाऽवैकमणेणं अवता, नो खलु अहं तहा छउमत्थे भवित्ता छउमत्थावकमणेणं अवकते, अहन्नं उप्पन्ननाणदंसणधरे अरहा जिणे केवली भवित्ता केवलिअवक्कमणेणं अवकते । तन्नं भयवं गोयमसामी जमालिं एवं वयासी-नो खलु जमाली! केवलिस्स नाणे वा दसणे वा सेलंसि वा जाव कट्ठसि वा आवरिज्जइ, जइ णं तुम जमाली! उप्पन्ननाणदंसणधरे तो णं इमाइं दो वागरणाई वागरेहिसासए लोए असासए ? १ सासए जीवे असासए ? २ । तए णं से जमाली भयषया गोयमेणं एवं वुत्ते समाणे संकिए कंखिए जाव नो संचाएइ भयवओ गोयमस्स किंचि वि पमोक्खमक्खाइत्तए त्ति तुसिणीए संचिट्ठा । तओ समणे भगवं महावीरे जमालिं एवं वयासी-अस्थि णं जमाली! मम बहवे अंतेवासी छउमत्था जे णं पहू एवं वागरणं वागरित्तए जहा णं अहं; नो चेव णं एयप्पगारं भासं भासित्तए जहा णं तुमं; सासए लोए जमाली!, जन्न कयाइ नासी ण कयाइ न भवति न कवाइ न भविस्सइ, भुवं च भवइ य भविस्सइ य धुवे जाव निचे; असासए लोए जमाली !, जन्नं उस्सप्पिणी भवित्ता ओसप्पिणी भवइ ओसप्पिणी भवित्ता उस्सप्पिणी भवई; सासए जीवे जमाली!, जन्न कयाइ नासी जाव निणे; असासए, जंणं नेरइए भवित्ता तिरिक्खजोणीए भवइ तिरिक्खजोणीए भवित्ता मणुस्से |भवइ, मणुस्सजोणीए भवित्ता देवे भवइ । तए णं से जमाली सामिस्स एवमाइक्खमाणस्स एयमहुं न सहइ, अस. |दहंते सामिस्स अंतियाओ अवकमइ, अवक्कमित्ता बहूहिं असब्भावुब्भावणाहिं मिच्छत्ताभिनिवेसेहि य अप्पाणं च परं च
वुग्गाहेमाणे वुप्पाएमाणे बहूहिं वासाइं सामन्नपरियागं पाउणइ, बहूहिं छट्ठ-ऽहमाईहिं अप्पाणं भावेइ, भावित्ता अद्धमाशसियाए संलेहणाए अप्पाणं झोसेइ, झोसित्ता तीसं भत्ताई अणसणयाए छेदेइ, छेदेत्ता तस्स ठाणस्स अणालोइयपडिकतो
. छमस्थानां सतामपक्रमण-गुरुकुलानिर्गमनं तेन ।
