________________
SOCIAAAAAAACITOCATE
सोमे, समिए, सुरूवे पुरतो उदग्गे समूसियसिरे सुहासणे, पिट्ठओ वराहे अतियाकुच्छी, अच्छिद्दकुच्छी, अलंबकुच्छी, पलंबलंबोदराहरकरे, धणुपट्टागिइविसिट्ठपुढे, अल्लीणपमाणजुत्तवहियापीवरगत्तावरे, अल्लीणपमाणजुत्तपुच्छे, पडिपुनसुचारुकुम्मचलणे, पंडुरसुविसुद्धनिणिरुवयविसतिणहे, छदंते, सुमेरुप्पमे नामं हत्थिराया होत्था; तत्थ णं तुम मेहा!, बहहिं हत्थीहि य, हत्थीणियाहि य, लोहएहि य, लोहियाहि य, कलभेहि य, कलमियाहि य सद्धिं संपरिवुडे; हत्थिसहस्सणायए देसए पागट्ठी से पट्ठवए जूहबई वंदपरियहए, अन्नेसिं च बहूणं एकल्लाणं हथिकल भाणं आहेवचं जाव विहरसि; तते णं तुम मेहा !, णिचप्पमत्ते सई पललिए, कंदप्परई, मोहणसीले, अवितण्हे, कामभोगतिसिए, बहहिं हत्थीहि य; जाव संपरिवुडे, वेयड्डगिरिपायमूले गिरीसु य, दरीसु य, कुहरेसु य, कंदरासु य, उज्झरेसु य, निज्झरेसु य, वियरएसु य, गद्दासु य, पल्लवेसु य, चिल्ललेसु य, कडयेसु य, कडयपल्ललेसु य, तडीसु य, वियडीसु य, टंकेसु य, कूडेसु य, सिहरेसु य, पब्भारेसु य, मंचेसु य, मालेसु य, काण- | | णेसु य, वणेसु य, वणसंडेसु य, वणराईसु य, नदीसु य, नदीकच्छेसु य, जूहेसु य, संगमेसु य, वावीसु य, पोक्खरिणीसु य, दीहियासु य, गुंजालियासु य, सरेसु य, सरपंतियासु य, सरसरपंतियासु य, वणयरएहिं दिनवियारे बहूहिं हत्थीहि य जाव सद्धिं संपरिवुडे, बहुविहतरुपल्लवपउरपाणियतणे निभए, निरुव्विग्गे, सुहंसुहेणं विहरसि । तते णं तुमं मेहा, अन्नया कयाई पाउसवरिसारत्तसरयहेमंतवसंतेसु
USAKजामा AGAR
