________________
A
%AEGORRRORECASARASWAROOR
तं भुंजाहि ताव जाया!, विपुले माणुस्सए कामभोगे जाव ताव वयं जीवामो, तओ पच्छा अम्हेहिं कालगतेहिं, परिणयवए वड्डियकुलवंसतंतुकजंमि निरावयक्खे, समणस्स भगवओ महावीरस्स अंतिए मुंडे | भवित्ता, आगारातो अणगारियं पब्वइस्ससि । तते णं से मेहे कुमारे अम्मापिऊहिं एवं वुत्ते समाणे
अम्मापियरो, एवं बदासी-तहेव णं तं अम्मतायो, जहेव णं तुम्हे ममं एवं वदह तुमंसि णं जाया!, अम्हं एगे पुत्ते तं चेव जाव निरावयक्खे समणस्स ३ जाव पब्वइस्ससि, एवं खलु अम्मयाओ! माणुस्सए भवे अधुवे, अणियए, असासए, वसणसउवद्दवाभिभूते, विज्जुलयाचंचले, अणिच्चे, जलवुब्बुयसमाणे, कुसग्गजलबिंदुसन्निभे, संझम्भरागसरिसे, सुविणदसणोवमे, सडणपडणविद्धंसणधम्मे, पच्छा पुरं च णं अवस्स विप्पजहणिज्जे, सेकेणं जाणति अम्मयाओ!, के पुध्विगमणाए?, के पच्छा गमणाए; तं इच्छामि णं अम्मयाओ!, तुम्भेहिं अन्भणुनाते समाणे समणस्स भगवतो. जाव पव्वतित्तए; ततेणं तं मेहं कुमार अम्मापियरो एवं वदासी-इमातो ते जाया., सरिसियाओ, सरिसत्तयाओ, सरिसव्वयाओ, सरिसलावन्नरुवजोव्वणगुणोववेयाओ, सरिसेहितो रायकुलेहिंतो आणियल्लियाओ भारियाओ, तं भुंजाहिणं जाया !, एताहिं सद्धिं विपुले माणुस्सए कामभोगे, तओ पच्छा भुत्तभोगे समणस्स ३, जाव पव्वस्ससि; तते णं से मेहे कुमारे अम्मापितरं, एवं वदासी-तहेव णं अम्मयाओ!, जन्नं तुम्भे मम; एवं बदह-इमाओ ते जाया, सरिसियाओ जाव समणस्स ३ पव्वइस्ससि एवं खलु अम्मयाओ!, माणुस्सगा
