________________
परीषहाः
णा हितं नच्चा, णाणी णो परिदेवते ॥१३॥गामाणुगामं रीयंत, अणगारं अकिंचणं । अरती अणुप्पविस्से, तं तिति- ध्ययने
सखे परीसहं ॥ १४ ॥ अरतिं पिट्टतो किच्चा, विरते आतरक्खए । धम्मारामे निरारंभे, उवसंते मुणी चरे ॥१५॥ ४संगो एस मणूसाणं, जाओ लोगांस इथिओ। जस्स एता परिण्णाता, सुकडं तस्स सामण्णं ॥१६॥ एवमा
दाय मेधावी, पंकभूताओ इत्थीओ । वज्जएज्ज सदा कालं, चरेज्जत्तगवेसए ॥१७॥ एग एव चरे लाढो, अभिभूत | परीसहं । गामे वा नगरे वावि, नियमे वा रायहाणिए ॥ १८॥ असमाणे चरे भिक्खू , न य कुज्जा परिग्गहं । असंसत्तो गिहत्थेहिं, अणिएतो परिव्वए ॥ १९ ॥ सुसाणे सुण्णगारे वा, रुक्खमूले व एक्कओ। अकुक्कुओ निसीएज्जा, न य वित्तासए परं ॥२०॥ तत्थ से अच्छमाणस्स, उवसग्गाहिधारए । संकाभीतो न गच्छेज्जा, उद्वेत्ता अण्णमासणं ॥ २१ ॥ उच्चावयाहिं सेज्जाहिं, तवस्सी भिक्खु थामवं । नातिवेलं विहंणज्जा, पावदिट्टी | विहण्णती ॥ २२ ॥पइरिक्कुवस्सयं लधुं, कल्लाणं अदु पावयं । किमेगराति करिस्सामि, एवं तत्थहियासए ॥२३॥ अक्कोसेज्जा परो भिक्खु, न तस्स पडिसजले। सरिसो होति बालस्स, तम्हा भिक्खू न संजले ॥ २४ ॥
सोच्चाणं फरुसा भासा, दारुणा गामकंटका। तुसिणीओ तु वेदेज्जा (उबेहिज्जा उ०) न ताओ मणसीकरे ॥२५॥ '१४१॥
हतो न संजले भिक्खू, मणंपि न पदोसए। तितिक्वं परमं नच्चा, भिक्खू धम्मं विचिंतए ॥ २६ ॥ समणं संजतं दंतं, हणेज्जा कोइ कत्थई । नत्थि जीवस्स णासोत्ति, एवं पेहेज्ज संजए ।॥ २७ ॥ दुक्करं खलु भो निच्चं, हा अणगारस्स भिक्खुणो। सव्वं से जाइयं होइ, णस्थि किंचि अजाइतं ॥ २८ ॥ गोयरग्गपविट्ठस्स, पाणी णो
ॐॐॐ95%
॥१४॥
