________________
परीषहाः
प्रतिक्रमणा
भिक्खू सोच्चा णच्चा जिच्चा अभिभूय भिक्खायरियाए परिवयंतो पुट्ठो नो विहन्नेज्जा,तंजहा-दिगिंछापरीसहे १ पिवासापरीसहेर | ध्ययने तर
सीतपरीसहे ३ उसिणपरीसहे ४ एवं दंसमसग०५अचेल०६अरति०७इत्थि०८चरिया०९निसीहिया०१० सेज्जा०११ अक्कोस०१२ ॥१४॥ वह०१३ जायणा०१४ अलाभ०१५ रोग०१६ तणफास०१७ जल्ल०१८ सक्कारपुरक्कार०१९पण्णा०२० अण्णाण०२१ दसणपरी
सहेत्ति २२। परीसहाणं पविभत्ती, कासवेण पवेइता । तं भे उदाहरिस्मामि, आणुपुव्वि सुणेह मे ॥ १॥ दिगिछापरिगते देहे, तवस्सी भिक्खु थामवं । न छिदे नेव छिंदावे, न पए नो पयावए ॥२॥ कालीपव्वंगसंकासे, किसे धमणिसंतए। मातण्णे असणपाणस्स, अदीणमणसो चरे ॥३॥ ततो पुट्ठो पिवासाए, दोगुञ्छी लज्जसंजते । सीतोदगं न सेवेज्जा, विगडस्सेसणं चरे ॥ ४॥ छिण्णावातेसु पंथेसु, आतुरेसु पिवासिते । परिसुक्कमुहे दीणे, तं तितिक्खे परीसहं ॥ ५॥ संजतं विरतं लूह, सीतं फुसति एगदा । णातिवेलं मुणी गच्छे, सोच्चाणं जिणसासणं ॥६॥ न मे निवारणं अत्थि, छवित्ताणं न विज्जती । अहं तु अग्गि सेवामि, इति भिक्खू ण चिंतए ॥७॥ उसिणपरितावेण, परिदाहेण तज्जिते । प्रिंसु वा परितावेण, सातं नो परिदेवते ॥ ८ ॥ उण्हाभितत्ते मेधावी, सिणाणं नाभिपत्थए । गातं न परिसिंचज्जा, न वेयावेज्ज अप्पयं ॥९॥ पुट्ठो य दंसमसएहिं, समरे व महामुणी । णागो संगामसीसे वा, सूरो अभिहणे परं ॥ १० ॥ न संतसे ण वारेज्जा, मणंपि ण पदोसए । ण उवहणे पाणिणो पाणे, भुजंते मंससोणियं ॥ ११ ॥ परिजुन्नेहिं वत्थेहि, भोक्खामित्ति अचेलए । अदुवा सचेलए होक्खं, इति भिक्खू न चिंतए ॥ १२॥ एगदा अचेलए होति, सचेले यावि एगदा । एतं धम्म
