________________
श्री
आवश्यक
चूर्णी
उपोद्घात नियुक्ती
॥ ३५८ ॥
अतिसरमाणाई मुद्धगाई पुणो य कोमलकमलोवमेहिं हत्थेहिं गिण्हिऊण उच्छंगनिवेसिताई देति समुल्लावगे सुमधुरे, पुणो पुणो मंजुलप्पभागते, अहं णं अहण्णा ४ एत्तो एगतरमावे ण पत्ता, ओहत जाव झियाइ, इमं च णं कण्हे जाव विभूसिते पादवंदए आगच्छति, तं पासति, पादग्गहणं करेति, करेत्ता एवं व० अन्नया णं तुभे अम्माओ ! ममं पासित्ता हट्ठ जाव भवह, किनं अज्ज जाव झियाह?, तए णं सा तं सव्वं परिकहति, सेवि एवं व० मा णं जाव झियाह, अहं णं तहा घत्तिस्सामि जहा णं ममं सहोदरे जाव भविस्सतित्तिकट्टु ताहिं इट्ठाहिं जाव वग्गूहिं समासासति २ अट्टमं पगेण्डति, पगेहेत्ता जहा भरहे तहा हरिणेगमेसि आराहेति, सेऽवि एवं व०- होहिति तर देवलोगच्चुते सहोदरगे, तिनि वारे पडिभणित्ता पडिगते, कण्देऽवि तं सव्वं देवतीए पडिकहेत्ता पडिगते, तए णं सा अन्नया कयाती गयं सुमिणे पासित्ता पडिबुद्धा जाव परिवुडा वहति, तए णं सा णवण्हं मासाणं जाव जासुमणावत्तबंधुजीवसमप्पभ्रं सव्वणयणकंतं सुकुमालं जाव सुरूवं गजतालुयसमाणं दारगं पयाता, जम्मणं जहा सामिस्स सिद्धत्थो करेति जाव जम्हाणं अम्हं इमे दारगे गततालुयसमाणे तं होऊ णं एतस्स णामधिज्जं गयसुकुमाले २, सेसं जहा मेहे जाव अलं भोगसमत्थे जाते यावि होत्था ।.
तेणं कालेणं तेणं समएणं बारवतीए सोमिले णामं माहणे परिवसति, अड्ढे जाव सुपरिणिट्ठिते यावि होत्था । तस्स सोमस्सिरी णाम माहणी होत्था, तेहिं सोमा णामं दारिया होत्था सूमाला जाव सुरूवा, रूवेण य जोव्वणेण य लायन्त्रेण य जाव किडा उक्किट्ठसरीरा यावि होत्था । तएमं सा अभया कयादी व्हाता जाव विभूषिता बहूहिं खज्जाहिं जाव परिक्खित्ता समायो गिहातो पडिनिक्खमति २ रायमग्गंसि कणगतिंदूसगेणं कीलमाणी २ चिट्ठति ।
भयाध्यवसाने सोमिलवृत्तं
॥३५८॥
