________________
श्री आवश्यकचूण उपोद्घात
निर्युक्तौ
॥१७८॥
जं जाणति एसावि मे णीतपुव्वा सिणेहेण लंतयं कप्पं बहुसो, जाणामि णं सद्दावेह य वइरजंघंति, आणत्तो कंचुती आगतो य दिट्ठो मया परितोस विकसियच्छीए अच्छेरयभूतो सकलरयणिकरसोम्मवयणचंदो तरुणरविरस्सिबोहितपुंडरियलोयणो मणिमंडियकुंडलघट्टितपीणगंडदेसो गरुलातयतुंगणासो सिलपवाल कोमल सुरत्तदसणवसणो कुंदमउलमालासिरिकर सिणिद्धदसणपंती वयत्थवसभअवगणितखंघो वयणतिभागसि तरयणावलिपरिणद्धगावो पुरफ लिहायामदीहबाहु णगरकवाडोवमाणमंसलविसालवच्छो करयलसंगेज्झमज्झदेसो विमउलपंकयसरिच्छणाभी मिगपत्थिवतुरगवट्टितकडी करिकरकर णिज्जउरुजुयलो णिगूढजाणुपदेससंगतहारणसमाणरमणिज्जजंघो सुपतिट्ठियकणगकुम्मसरिससकललक्खणसंबद्धचलणजुयलो पणतोय राइणो, भणितो य- पुत्त ! वइरजंघ ! पडिच्छसु पुव्वभव सयंपर्भ सिरिमतिंति, अवलोकिता यऽणेण अहं कलहंसेणेव कमलिणी, विहिणा य पाणिं गाहितो मम तातेणेव वइरजंघत्ति मधुरमाभासमाणेण दिनं च उवलंबणं परियारिओ ये, विसज्जिताणि य अम्हे गयाणि लोहग्गलं, भुंजामु णिरुव्विग्गं भोगे, वइरसेणोऽवि राया लोगंतियदेवपडिबोहितो संवच्छरं किमिच्छयं दाणं दाऊण णिग्गयसुतेहिं णरवतीहि य भरितवससमेतेहिं सह पव्वतितो पोक्खलपालस्स रज्जं दाऊणं, उप्पण्णकेवलणाणो य धम्मं देसेति । ममवि कालेण पुत्तो जाओ, सो सुहेण वड्ढितो, कदाई च पोक्खलपालस्स केति सामंता विसंगतिता, तेण अम्हं पेसित, एतु वरजंघो सिरिमती य, अम्हे विउलेण खधावारेण पत्थिताई पुत्तं णगरे ठवेऊणं, सरवणस्स य मज्झेण पंथों, पडिसिद्धा य मे जाणकजणेण, दिट्ठीविसो सरवणे सप्पो, ण जाति ततो गंतुति, परिहरता कमेणं पत्ता पोंडरिगिणीं, सुतं च तेहि परवईहि बहरजंघागमणं, ततो ते संकिता पडिता, अम्हेऽवि पोक्खल| पालण रन्ना पूरऊण विसज्जिता, पत्थिताणि सणगर, भणति य जणो- सरवणुज्जाणमज्झेण गंतव्वं, सप्पो णिच्विसो जातो,
श्रीऋषभचरितं भगवत्
श्रेयांस भवाः
॥ १७८ ॥
