________________
श्रीदशवैकालिक चूण
४ षड्जीव
१२२॥
भणिओ । इयाणि बितियाए गाहाए अत्थो भण्णइ, तत्थ पढमं चित्तंति दारं, चित्तं ( नाम मणो तं जीवस्स लक्खणं ) चेयणा नाम वट्टमाणे काले घडोति जहा एरिसो घडोत्ति, एवमायि चेयणा, संजाणतीति सण्णा, जं पुव्वण्हे गावं दट्टण अवरण्हे पुणो पच्चभिजाइ जहा सा चैव एसा गावित्ति, अहवा आहारसण्णादि चउब्विहा सण्णत्ति, जीवलक्खणं विविहेहिं पगारेहिं जेण णज्जइ तं विण्णाणं, धारणा नाम जो सत्थं अज्झाइऊणं सुचिरं कालं धरेह, एवमादि धारणा, बुद्धी नाम अप्पणो बुद्धिसामत्थेणं अत्थे उब्वेलहू सा बुद्धी, ईहा नाम किमेसो पुरिसो खाणु वत्ति पुरिसलक्खणाणि खाणुलक्खणाणि य ईहयति, एवमादी ईहा, मई णाम अवगमो, जहा एस पुरिसो णो खाणुत्ति एसा मती, वितका णाम एगमत्थं अणेगेहिं पगारेहिं तकयति, संभावयतित्ति वृत्तं भवति, एसो अत्थो एवमवि भवइ एवमवि अविरुद्धोत्ति, एताणि सव्वाणि जम्हा जीवस्स दीसंति तम्हा सिद्धाणि ताणि जीवस लक्खाणि चित्तचेयणसण्णाविष्णाणादयो जीवस्स गुणा, नासदात्मा गुण प्रत्यक्षत्वात् घटवत्, लक्खणेत्ति दारं गतं । हृदागिं अस्थित्तंति दारं, 'सिद्धं जीवस्स अत्थित्तं ' गाहा (मा०२५-१२६) पुव्वद्धं, जीवस्स अत्थित्तं जीवसद्दाओ चैव सिज्झइ, कहं १, असंते जीवे जीवसद्दस्सवि अभावो, पसिद्धो य सदो लोगे, तम्हा अस्थि जीवो जस्स एस निद्देसो जीवोत्ति, सीसो | आह- खरविसाणकच्छ भरोमाईणवि सद्दा लोगे पसिद्धा, ण पुण ताणि अस्थि, आयरिओ इमं गाहापच्छद्धं भणइ 'नासओ भुवि | भावस्स सद्दो भवति केवलो',ण हि सव्वहा असंतस्स भावस्स लोगे केवलो सद्दो पसिद्धेत्ति, केवलो नाम सुद्धो, अण्णेण सह असंजुतोत्ति वृत्तं भवति, सार्थकोऽयं जीवशब्दः शुद्धपदत्वाद् घटवत्, खरविसाणकच्छभरोमसद्दा पुण न केवला उबलब्भंति, कहं ?, खरसहो गद्दभे वट्ट, विसाणसदो गवलादिसु, कच्छभसद्दो कच्छभे, रोमसदो एलगाइसु, गद्दभकच्छ मेसु विज्ज माणेसु णत्थित्ति संभा
अस्तित्वद्वारं
॥१२२॥
