________________
श्रीआचारोग सूत्रचूर्णिः ॥२३९॥
ण य तारिसिताए इत्थियाए धम्मं कहेइ जतो चरित्तभावासायणा भवति, वक्खति य-अवि साविया पवातेण०, एत्थ भंगा, दव्वासाणा कति भवति भावासायणा, चतारि भंगा विभासियन्त्रा, णो परं आमाएजा, धम्मं कहें तो अणुधम्मकाही निंदति, सो वरातो धम्मं चैव ण जाणति तो किं कहेहिति १, गवि सो जहा अहं ससमयपरसमयवियाणओ, ण य वादं कहेति, णय अक्खित्तो, प्रत्ययितुं समत्थो, लज्जालुओ वा, सो ण सडिओ ण हेउओ न वा सुमुहो एवं आसादेति, जाइकुलसन्भावादी हिं वा परं आसादेति, परावत्ताओ वा इत्थियाओ पुरिमा वा भणति, णवि सुलभो सुसाहुसमागमो, अचिन्तं सरीरेणं धम्मकहीणं तेण मुडुत्तरं सुणह, ततो ते अणुवरणाए सुणेति, पच्छा इत्थिया भत्तारेण ईसायमाणेणं अणिस्सायमाणेणं वारं २ भणति, ण करेसित्ति हम्मति, पुत्तो पितिमादिणा, भावासायणा णो अन्नहेडं वा कहेति, अहवा तेण कहेति जहा सम्मदिट्ठी वा थिरीभवति, जहा सक्केति, तो चउव्विहाए कहाए कहेति, अह अक्खिविऊणं णेतरि पुणो विक्खेविउं सम्मं नाणे चरित्ते तवे विणए, ततो तेसिं सुठुयरं भावो सादितो भवति, संसारसमुदं तेण पडिन्तो समूढो भवति, कुसत्थभावितमतियस्स अण्णतित्थियस्स पुरतो परिसाते असमत्थेण ण भणियव्यं सव्वे सेसा कुसिद्धंतगा, पुण अक्खेवे सति अपच्चाईतस्स परिसाए सुठुयरं मिच्छत्तं भविस्सति, | सम्मदिट्ठीणं ओभावणा हीलणा य, बालमरणाणि य पसंसंतस्स दव्वभावासादणा भवति, जेण सुत्तेण तेसिं अन्नयरं मरिज, अभूतउन्भावणं च मिच्छत्तं णो पाणाई भूयाई जीवाई सत्ताई आसादेज, पंथं गच्छमाणो पुढवि०, तत्थ आउतेउवाऊवणप्फइ छण्हं कायाणं अणंताणं आसाते, पुढविमादिसु वा कायेसु ठितो ठियस्स वा कहेति, धूमिताए भिण्णवासे वा पडते पाणाई भूयाई सत्ताई आसादेति, अत एवं भण्णति - णो पाणाई णो भूषाई णो जीवाई णो सत्ताई आसादिज, सो एवं अणासातए - अणासायमाणे
आशातनावर्जनं
॥२३९॥
