Page Text
________________
॥७९॥
तते णं तव मेहा! ते वणदवं पासित्ता अयमेयारूवे अज्झथिए जाव समुष्पज्जित्था- कहिण्णं मन्ने मए अयमेयारूवे अग्गिसंभवे अणुभूयपुवे? तव मेहा! लेस्साहिं विसुज्झमाणीहिं अज्झवसाणेणं सोहणेणं सुभेणं परिणामेणं तयावरणिज्जाणं कम्माणं खओवसमेणं ईहापूह-मग्गण-गवेसणं करेमाणस्स सन्निपुव्वे जातिसरणे समुपज्जित्था, तते णं तुम मेहा! एयमहूँ सम्म अभिसमेसि, एवं खलु मया अतीएर दोच्चे भवग्गहणे इहेव जंबुद्दीवे २ भारहे वासे वियदृगिरिपायमले जाव तत्थ णं महया अयमेयारूवे अग्गिसंभवे समणुभूए, तते णं तुम मेहा! तस्सेव दिवसस्स पुव्वावर पच्चावर) ण्हकालसमयंसि नियएणं जूहेणं सद्धि समन्नागए यावि होत्था, तते णं तुम मेहा ! सत्तुस्सेहे जाव सन्निपूव्वे) जाइस्सरणे चउइंते मेरुप्पभे नाम हत्थी होत्था, तते णं तुझं मेहा! अयमेयारूवे अज्झथिएं जाव समुष्पज्जित्था-तं सेयं खलु मम इयाणिं गंगाए महानदीए दाहिणिल्लंसि कूलंसि विझगिरिपायमूले दवग्गिजाय (संताण) कारणट्ठा सएणं जूहेणं महालय मंडलं घाइत्तएत्तिकट्ठ एवं संपेहेसि २ सुहंसुहेणं विहरसि ८ ।।
तते णं तुम मेहा! अन्नया कदाई पढमपाउसंसि महावुट्ठिकायंसि सन्निवइयंसि गंगाए महानदीए अदूर-सामते बहूहि हत्थीहिं जाव कलभियाहि य सत्तहि य हत्थिसएहिं संपरिवुडे एगं महं जोयणपरिमंडलं महतिमहालयं मंडलं घाएसि, जं तत्थ तणं वा पत्तं वा कटुं वा कंटए वा लया वा वल्ली वा खाणुं वा रुक्खे वा खुवे वा तं सव्वं तिखुत्तो आहुणिय एगते एडेसि २ पाएण उट्ठवेसि हत्थेणं गेण्हसि (२ त्ता) तते णं तुम मेहा ! तस्सेव मंडलस्स अदूरसामंते गंगाए महानदीए दाहिणिल्ले कूले विंझगिरिपायमूले गिरीसु य जाव विहरसि, तते णं मेहा! अन्नया कदाइ मज्झिमए वरिसारतंसि महाविट्टिकायंसि सन्निवइयंसि जेणेव से मंडले तेणेव उवागच्छसि २ दोच्चंपि तच्चंपि मंडलं घाएसि २ एवं चरिमे वासारत्तंसि महावुट्ठिकार्यसि सन्निवइयमाणंसि जेणेव से मंडले तेणेव उवागच्छसि २ तच्चपि मंडलघायं करेसि, जं तत्थ तणं वा जाव सुहंसुहेणं विहरसि ९ ।
अह मेहा! तुमं गइंदभावंमि वट्टमाणो कमेणं नलिणिवण-विवहणगरे हेमंते कुंदलोद्ध- उद्धत-तुसारपउरंमि अतिक्कंते अहिणवे गिम्हसमयंसि पत्ते वियट्टमाणेसु वणेसु वणकरेणु- (वणरेणु) विविहदिण्णकयपंसुघाओ (कीलाकयपंसुघाओ) तुमं कुसुमाउउयकुसुम)कय- चामरकन्नपूरपरि-मंडियाभिरामो मयवस विगसंत-कडतडकिलिन्नगंधमदवारिणा सुरभिजणियगंधो करेणुपरिवारिओ उउसमत्तजणितसोभो काले दिणयरकरपयंडे परिसोसियतरुवरसिहरभीमतरदंसणिज्जे भिंगाररवंतभेरवरवे
| SR No. | 600272 |
| Book Title | Gnata Dharmkathangasutram |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | |
| Total Pages | 320 |
| Language | Sanskrit |
| Classification | Manuscript & agam_gyatadharmkatha |
| File Size | 9 MB |