Page Text
________________
लोट्टएहि य लोट्टियाहि य कलभेहि य कलभियाहि यसद्धि संपरिवुडे हत्थिसहस्सणायए देसए पागट्ठी पट्ठवए जूहवई वंदपरियट्टए अन्नेसि च बहूणं एकल्लाणं हथिकलभाणं आहेवच्चं जाव विहरसि, तते णं तुम मेहा ! णिच्चप्पमत्ते सई पललिए कंदप्परई मोहणसीले अवितण्हे कामभोगतिसिए बहूहि हत्थीहि य जाव संपरिबुडे वेयड्डगिरिपायमूले गिरिसु य दरीसु य कुहरेसु य कंदरासु य उज्झरेसु य निज्झरेसु य वियरएसु य गद्दासु य पल्लवेसु य चिल्ललेसु य कडयेसु य कडयपल्ललेसु य तडीसु य वियडीसु य टकेसुय कूडसु य सिहरेसु य पब्मारेसु य मंचेसु य मालेसु य काणणेसु य वणेसु य वणसंडेसु य वणराईसु य नदीसु य नदीकच्छेसु य जूहेसु य संगमेसु य वावीसु य पोक्खरिणीसु य दीहियासु य गुंजालियासु य सरेसु य सरपंतियासु य सरसरपंतियासु य वणयरएहि दिन्नवियारे बहूहि हत्थीहि य जाव सद्धिं संपरिवुडे बहुविह-तरुपल्लव-पउर-पाणियतणे निब्भए निरुब्बिग्गे सुहंसुहेणं विहरसि २ ।
तते णं तुम मेहा! अन्नया कयाई पाउस-वरिसारत्त-सरय-हेमंत वसंतेसु कमेण पंचसु ऊसु समतिक्कतेसु गिम्हकालसमयंसि जेट्ठामूलमासे पायवधंस-समुट्ठिएणं सुक्कतणपत्त-कयवर मारुति-संजोग-दीविएणं महाभयंकरेणं हुयवहेणं वणदवजाला संपलित्तेसु वर्णतेसु धूमाउलासु दिसासु महावायवेगेणं संघट्टिएसु-छिन्नजालेसुआवयमाणेसुपोल्लरुक्खेसु अंतो २ झियायमाणेसुमयकुहित-विणिविट्ठ (विणट्ठ) किमिय (मव) कद्दमनदीवियरगझीण्ण पाणीयंतेसु वणंतेसुभिंगारक-दीण-कंदियरवेसु खर-फरुस-अमिट्ठ-रिट्ठ-वाहितविविध)। मग्गेसु दुमेसु तण्हावस-मुक्क-पक्ख- पयडिय-जिब्भतालुय-असंपुडित-तुंड-पक्खिसंघेसु संसतेसु गिम्ह-उम्ह-उण्ह वाय-खरफरुस-चंडमारुय-सुक्कतणपत्त- कयवर-वाउलि- भमंतदित्तसंभंतसावयाउलमिगतण्हाबद्धचिण्हपट्टेसु गिरिवरेसु संवट्टिएसु तत्थमियपसवसिरीसिवेसु अवदालियवयणविवरणिल्लालियग्गजीहे महंततुंबइयपुन्नकन्ने संकुजियथोरपीवरकरे ऊसियलंगूले पीणाइयविरसरडियसद्देणं फोडयंतेव अंबरतलं पायदद्दरएणं कंपयंतेव मेइणितलं विणिम्मुयमाणे य सीयारं सव्वतो समंता वल्लिवियाणाई छिंदमाणे रुक्खसहस्सातिं तत्थ सुबहूणि णोल्लायंते विणट्ठरडेव्व णरवरिंदे वायाइद्धेव्व पोए मंडलवाएव्व परिन्भमंते अभिक्खणं २ लिंडणियरं पमुंचमाणे २ बहूहिं हत्थीहि य जाव सद्धिं दिसोदिसि विप्पलाइत्था ३ ।
तत्थ णं तुमं मेहा ! जुन्ने जराजज्जरियदेहे आउरे झंझिए पिवासिए दुब्बले किलंते नट्ठसुइए मूढदिसाए सयातो जूहातो विप्पणे वणदवजालापारधे उण्हेण य तण्हाए य छुहाए य परब्भाहए समाणे भीए तत्थे तसिए उबिग्गे संजातभए सव्वतो समंता आधावमाणे
| SR No. | 600272 |
| Book Title | Gnata Dharmkathangasutram |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | |
| Total Pages | 320 |
| Language | Sanskrit |
| Classification | Manuscript & agam_gyatadharmkatha |
| File Size | 9 MB |