Page Text
________________
१५ ॥
से जहा कालीए तहेव णवरं पुव्वभवे नागपुरे नयरे सहसंबवणे उज्जाणे कमलस्स गाहावतिस्स कमलसिरीए भारियाए कमला दारिया पासस्स पुरिसादाणीयस्स अंतिए निक्खता कालस्स, पिसाय- कुमारिंदस्स अग्गमहिसी अद्धपलिओवमं ठिती २ । एवं सेसावि अज्झयणा दाहिणिल्लाणं वाणमंतरिंदाणं ३ । भाणियव्वाओ सव्वाओ णागपुरे सहसंबवणे उज्जाणे माया पिया धूया सरिसनामया, ठिती अद्धपओिवमं ४ ॥ सूत्रं १५९ ॥ पंचमो वग्गो समत्तो ।
छट्ठोवि वग्गो पंचमवग्गसरिसो, णवरं महाकालिदाणं उत्तरिल्लाणं इंदाणं अग्गमहिसीओ. पुव्वभवे सागेयनयरे उत्तरकुरुउज्जाणे माया पिया धूया सरिसणाया सेसं तं चेव ॥ सूत्रं १६० ॥ छट्टो वगो समत्तो ।
सत्तमस्स वग्गस्स उक्खेवओ, एवं खलु जंबू ! जाव चत्तारि अज्झयणा पंनत्ता तंजहा- सूरप्पभा आयवा अच्चिमाली पभंकरा १ । पढमज्झयणस्स उक्खेवओ, एवं खलु जंबू ! तेणं कालेणं २ रायगिहे समोसरणं जाव परिसा पज्जुवासइ, तेणं कालेणं २ सूरप्पभा देवी सूरंसि विमाणंसि सूरप्पभंसि सीहासणंसि सेसं जहा कालीए तहा णवरं पुव्वभवो अरक्खुरीए नयरीए सूरप्पभस्स गाहावइस्स सूरसिरीए भारियाए सुरण्पभा दारिया सूरस्स अग्गमहिसी ठिती अद्धपलिओवमं पंचहिं वाससएहिं अब्भहियं सेसं जहा कालीए २ । एवं सेसाओवि सव्वाओ अरक्खुरीए णयरीए ३ । सूत्रं १६१ ।। सत्तमो वग्गो समत्तो ॥
अट्टमस्स उक्खेवओ, एवं खलू जंबू ! जाव चत्तारि अज्झयणा पंनता, तं जहा - चंदप्पभा दोसिणाभा अच्चिमाली पभंकरा १ । पढमस्स अज्झयणस्स उक्खेवओ, एवं खलू जंबू ! तेणं कालेणं २ रायगिहे समोसरणं जाव परिसा पज्जुवासति, तेणं कालेणं २ चंदप्पभा देवी चंदप्पभंसि विमाणंसि चंदप्पभंसि सीहासणंसि सेसं जहा कालीए, णवरं पुव्वभवे महुराए नयरीए भंडिवडेंसए उज्जाणे चंदप्पभे गाहावती चंदसिरी भारियी चंदप्पभा दारिया चंदस्स अग्गमहिसी ठिती अद्धपलिओवमं पण्णासाए वाससहस्सेहिं अब्महियं सेसं जहा कालीए २ । एवं सेसाओवि महुराए णयरीए मायापियरोवि धूयासरीसणामा ३ ॥ सूत्रं १६२ ॥ अट्ठमो वग्गो समत्तो ॥
णवमस्स उक्खेवओ, एवं खलु जंबू ! जाव अट्ठ अज्झयणा पंनत्ता, तंजहा पउमा सिवा सती अंजू रोहिणी णवमिया (याइया) अचला अच्छरा (मच्छरा) १ । पढमज्झयणस्स उक्खेवओ, एवं खलू जंबू ! तेणं कालेणं रायगिहे समोसरणं जाव परिसा पज्जुवास, तेणं कालेणं २ पउमावई देवी सोहम्मे कप्पे पडमवडेंसए विमाणे सभाए सुहम्माए पउमंसि सीहासांसि जहा कालीए एवं अट्ठवि अज्झयणा
।।३१५ ।।
| SR No. | 600272 |
| Book Title | Gnata Dharmkathangasutram |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | |
| Total Pages | 320 |
| Language | Sanskrit |
| Classification | Manuscript & agam_gyatadharmkatha |
| File Size | 9 MB |