________________
धर्म
शाङ्गम्
१४ ।।
॥ ४ ॥ अथ चतुर्थो वर्गः ॥
000000000
चउत्थस्स उवक्खेवो, एवं खलु जंबू ! समणेणं जाव संपत्तेणं धम्मकहाणं चउत्यवग्गस्स चउप्पण्णं अज्झयणा पंनत्ता, तंजहा- पढमे अज्झयणे जाव चउप्पण्ण अज्झणे १ । पढमस्स अज्झयणस्स उक्खेवओ, एवं खलु जंबू ! तेणं कालेणं २ रायगिहे समोसरणं जाव परिसा पज्जुवासति, तेणं कालेणं २ रूया देवी रूयाणंदा रायहाणी रूयग-वडिसए भवणे रूयगंसि सीहासणंसि जहा कालीए तहा नवरं पुव्वभवे चंपाए पुण्णभद्दे चेतिए रूयगगाहावई रूयगसिरी भारिया रूया दारिया से • तहेव, णवरं भूयाणंद-अग्गमहिसित्ताए उववाओ देसूणं पलिओवमं ठिई णिक्खेवओ २ । एवं खलु सुरूयावि रूयंसावि रूयगावतीवि रूयकंतावि रूयप्पभावि ३ । एयाओ चेव उत्तरिल्लाणं इंदाणं भाणियव्वाओ जाव महाघोसस्स, णिक्खेवओ चउत्थवग्गस्स ॥ सूत्रं १५८ ॥
000000000
॥५ ॥ अथ पञ्चमो वर्गः ॥
000000000
पंचमवग्गस्स उक्खेवओ, एवं खलु जंबू ! जाव बत्तीसं अज्झयणा पंनत्ता, तंजहा- कमला कमलप्पभा चेव, उप्पला य सुदंसणा । रूववती बहुरूवा, सुरूवा सुभगाविय ॥ १ ॥ पुण्णा बहुपुत्तिया चेव, उत्तमा भारियावि य । पउमा वसुमती चेव, कणगा कणगप्पभा ॥ २ ॥ वडेंसा केउती चेव, वइरसेणा रयिप्पिया । रोहिणा नमिया चेव, हिरी पुप्फवतीतिय ॥ ३ ॥ भुयगा भुयगवती चेव, महाकच्छाऽपराइया | सुघोसा विमला चेव, सुस्सरा य सरस्वती ॥ ४ ॥ १ । उक्खेवओ पढमज्झयणस्स, एवं खलु जंबू ! तेणं कालेणं २ रायगिहे समोसरणं जाव परिसा पज्जुवासति, तेणं कालेणं २ कमला देवी कमलाए रायहाणीए कमलवडेंसए भवणे कमलंसि सौहासणंसि
अ. १७ अश्वानां
पारतन्त्रयं सू. १४०
||३१४ ।।
